web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive – Rama izolon Veliajn në bashki, Tiranën e drejton Manastirliu/ Konfirmohet lajmi i CNA-së

15 Shtator 2024, 10:29, Politikë CNA

Ekskluzive – Rama izolon Veliajn në bashki, Tiranën e drejton

Fotomontazh - Erion Veliaj dhe Edi Rama

Kryeministri dhe kreu i PS-së, Edi Rama, ka zhvilluar një takim me dyer të mbyllura, për rreth dy orë, me anëtarët e Asamblesë së socialistëve në Tiranë. 

Kryesocialisti ka dhënë orientimet për përgatitjet e fushatës elektorale, anëtarësimet dhe propozimet e emrave si kandidatë për deputetë.

Në takim kanë marrë pjesë edhe dy drejtuesit politikë të Bashkisë Tiranë, Ogerta Manastriliu dhe Erion Veliaj, ndërsa mungonte Elisa Spiropali. (Lexo këtu)

Ekskluzive – Rama izolon Veliajn në bashki, Tiranën e drejton
Ogerta Manastriliu dhe Erion Veliaj

Siç ka raportuar CNA më herët, Rama në mbledhjen e së shtunës mbrëma, ashtu si në mbledhjen e kryesisë së PS-së dhe të Asamblesë, ka izoluar Erion Veliajn, duke e lënë Qarkun e Tiranës në drejtimin e dyshes Ogerta Manastirliu dhe Elisa Spiropali, ndërsa Veliaj do të merret vetëm me punët e kryeqytetit, por jo me fushatën e socialistëve. (Lexo këtu)

Pas mbledhjes së Kryesisë së PS-së, mediat e Veliajt raportuan se kryebashkiaku i Tiranës do të ishte drejtues politik i Tiranës dhe dy zonjat do t’i asistonin atij. Në fakt, Rama ka larguar Veliajn nga drejtimi i fushatës në kryeqytet dhe CNA ka mësuar në mënyrë ekskluzive se drejtimin e Tiranës e ka marrë Ogerta Manastirliu, ndërsa Veliaj është “mbyllur” në bashki.

Ekskluzive – Rama izolon Veliajn në bashki, Tiranën e drejton
Ogerta Manastirliu

Ashtu siç CNA e konfirmoi më herët, strukturat e socialistëve në Bashkinë e Tiranës do të drejtohen nga Ogerta Manastirliu, ndërsa Spiropali do të drejtojë bashkitë e tjera. Edi Rama ka thënë se Elisa Spiropali do të marrë drejtimin e Kamzës dhe Vorës, bashki që ajo i ka pasur edhe më parë. Gjithashtu, do t’i shtohen edhe Kavaja dhe Rrogozhina. Kryeministri ka theksuar se Veliaj do të qëndrojë në bashki. (Lexo këtu)

Mësohet se në mbledhjen e kësaj të shtune Rama ka thënë se në Bashkinë e Tiranës ka ndodhur diçka e rëndë, referuar këtu aferës “5D” me drejtorët, por kreu i socialistëve ka theksuar se nuk duhet harruar si ka qenë bashkia në vitin 2013 kur socialistët erdhën në pushtet. Për këtë shkak, ai i ka kërkuar Veliajt të merret vetëm me punët e bashkisë, duke qëndruar larg fushatës për zgjedhjet parlamentare të 2025-ës.

Ekskluzive – Rama izolon Veliajn në bashki, Tiranën e drejton
Bashkia e Tiranës

“Në Bashkinë e Tiranës ka ndodhur diçka e rëndë, por mos harroni si ka qenë në vitin 2013 kur erdhëm ne në pushtet. Imazhi i Bashkisë Tiranë është përtokë, beteja digjitale po fitohet nga opozita”, mësohet të ketë thënë Rama në mbledhje. Më pas e ka marrë fjalën kryebashkiaku Veliaj, i cili ka thënë: “Avioni im tani do të punojë me dy motorë”.

Pas kësaj, mësohet se Rama e ka ironizuar kryebashkiakun duke thënë: “Lali ka qejf avionin, por më mirë të rrijë te lokomotiva. Kur fluturon shumë lart nuk dihet ulja në pistë”.

Ekskluzive – Rama izolon Veliajn në bashki, Tiranën e drejton
Edi Rama dhe Erion Veliaj

CNA prej kohësh e ka theksuar se Rama nuk i beson më fushatën Veliajt dhe këtë fakt e ka rikonfirmuar në mbledhjen e së shtunës në Asamblenë e PS-së në Tiranë, ku duket se Rama ka izoluar Veliajn në bashki, duke e lënë jashtë fushës së “betejës” për zgjedhjet e 2025-ës./ CNA





Lajmet e fundit nga