web counter
LEXO PA REKLAMA!

SHKARKO APP

App Store
Google Play

Lista e Ramës me drejtuesit e qarqeve/ Kushi: Nuk ka asnjë hatërmbetje

14 Shtator 2024, 15:18, Politikë CNA
Lista e Ramës me drejtuesit e qarqeve/ Kushi: Nuk ka asnjë
Deputetja e PS-së, Evis Kushi

Deputetja e PS-së, Evis Kushi ka folur për listën e Ramës me drejtuesit e qarqeve.

Gjatë një interviste për Klan News, Kushi ka theksuar se mes socialistëve nuk ka hatëmbetje dhe askush nuk ka asnjë problematikë.

Ndër të tjera theksoi se askush nuk ka mbetur jashtë pasi janë një skuadër ku gjithsecili jep kontributin e tij.

“Unë dua të theksoj që askush nuk ka mbetur jashtë sepse ne jemi të gjithë një skuadër dhe dikush jep kontribut duke qenë kryetari i PS, dikush jep kontribut duke qenë pjesë e sekretariatit, dikush është deputet, dikush është pjesë e strukturave të tjera drejtuese, pra ne jemi të gjithë një skuadër.

Dhe në fakt kam parë gjatë këtyre ditëve që janë komentuar emrat ky mbeti jashtë, jo ne jemi një skuadër që pozicionet tona nuk i kemi të përhershme, por në funksion të sfidave, objektivave dhe sigurisht mund të japim kontribut nga pozicione të ndryshme në një pozicion të caktuar, pra të gjithë jemi aty jemi në një skuadër.

Unë jam e sigurt që mes nesh nuk ka asnjë problematikë, nuk ka asnjë hatërmbetje, sepse e kemi provuar edhe vite më parë që dikush ka qenë kontribut politik në një qark pastaj ka dhënë kontribut në një sekretariat të caktuar, pasi kemi fituar zgjedhjet përsëri kemi pasur ndryshime të këtyre pozicioneve.

Për momentin objektivi ynë i përbashkët është të fitojmë mandatin e katërt të PS. Në këto momente askush nuk niset nga interesat e veta personale të ngushta. Pra qëllimi ynë nuk është të garantojmë karriget tona dhe pastaj të humbasim zgjedhjet", tha Kushi./ CNA





Lajmet e fundit nga