web counter
LEXO PA REKLAMA!

SHKARKO APP

E fundit!

x

Mandati i Xhaçkës/ Delegacioni i BE-së, kritika PS-së: Hapa në drejtim të gabuar

13 Shtator 2024, 13:28, Politikë CNA
Mandati i Xhaçkës/ Delegacioni i BE-së, kritika PS-së:
Foto ilustruese

Delegacioni i Bashkimit Europian në Tiranë ka reaguar për mosdërgimin e mandatit të Olta Xhaçkës për verifikim në Gjykatën Kushtetuese.

Delegacioni i BE-së kritikon PS-në dhe deklaron se zbatimi i vendimeve të Gjykatës Kushtetuese nga Parlamenti është një çështje thelbësore.

Në deklaratë theksohet se PS nuk po ecën në drejtimin e duhur për mandatin e Xhaçkës.

“Ne kemi shprehur shqetësimet tona edhe në raportin e fundit mbi Sundimin e Ligjit në Shqipëri, lidhur me faktin që disa vendime të Gjykatës Kushtetuese nuk janë zbatuar nga Parlamenti, përfshirë edhe në lidhje me këtë çështje, ku vendimi i Gjykatës Kushtetuese daton më shumë se një vit e gjysmë më parë (janar 2023). Na inkurajoi fakti që Kryetarja e Parlamentit, gjatë hapjes së sesionit parlamentar javën e kaluar, theksoi si prioritet nevojën që Kuvendi të ndjekë vendimet e mbetura të Gjykatës Kushtetuese. Ajo çka ndodhi dje nuk është një hap në drejtimin e duhur. Zbatimi i vendimeve të Gjykatës Kushtetuese nga Parlamenti është një çështje thelbësore pasi lidhet me kontrollet dhe balancat institucionale në sistemin demokratik të vendit”, thekson delegacioni i BE-së./ CNA





Lajmet e fundit nga