web counter
LEXO PA REKLAMA!

SHKARKO APP

App Store
Google Play

E fundit!

x

PS nuk dërgoi Xhaçkën në ‘Kushtetuese’/ Bardhi: Iu dha statusi e paprekshme nga drejtësia

13 Shtator 2024, 12:33, Politikë CNA
PS nuk dërgoi Xhaçkën në ‘Kushtetuese’/
Kreu i Grupit Parlamentar të PD-së, Gazment Bardhi

Kreu i Grupit Parlamentar të PD-së, Gazment Bardhi, ka reaguar pasi Kuvendi vendosi të mos e dërgojë për verifikim në Gjykatën Kushtetuese mandatin e deputetes Olta Xhaçka.

Sipas Bardhit, vendimi i socialistëve është puç kushtetues që i jep Xhaçkës statusin e të paprekshmes nga drejtësia.

Ai tha se Shqipëria, e cila synon të anëtarësohet në BE, nuk ka dallim nga vendet autoritare, pasi ka shkelmuar parimet elementare të shtetit ligjor.

“Me votë politike të Edi Ramës në Kuvend dje u ekzekutua përfundimisht Reforma në Drejtësi. Puçi kushtetues i Kuvendit duke injoruar autoritetin e Gjykatës Kushtetuese është i pandodhur kurrë në 34 vjet, i paprecedent dhe i denjë vetëm për regjimet diktatoriale.

Dje u varros përfundimisht edhe propaganda e Edi Ramës për komisione të posaçme për Shtetin Ligjor. Të gjithë ata që dyshuan se ER tjetër gjë thotë dhe tjetër gjë bën, morën përgjigje finale me votimin e djeshëm, ku për herë të dytë ER refuzoi të ekzekutojë vendimet e GJK.

Shteti personal nuk ka asnjë lidhje me shtetin ligjor. Një vend kandidat për në BE dhe një vend anëtar i NATO-s ka shkelmuar para çdo shqiptari dhe ndërkombëtari parimet elementare të shtetit ligjor. Nga dje Shqipëria nuk ka asnjë dallim me vendet autoritare!

GPPD dënon me forcë aktin e djeshëm të Kuvendit dhe të Edi Ramës, për t'i dhënë statusin e paprekshme nga drejtësia bashkëpunëtores së tij dhe garanton se do të ndërmarrë çdo hap të nevojshëm për të mbrojtur demokracinë dhe shtetin ligjor”, deklaroi Bardhi në rrjetet sociale./ CNA





Lajmet e fundit nga