web counter
LEXO PA REKLAMA!

SHKARKO APP

E fundit!

x

Malltezi, në Apelin e GJKKO-së/ Mbahet seanca për zëvendësimin e masës së sigurisë

13 Shtator 2024, 09:56, Politikë CNA
Malltezi, në Apelin e GJKKO-së/ Mbahet seanca për
Jamarbër Malltezi, drejtuesi i Departamentit të Mjedisit në PD

Në Apelin e GJKKO-së po zhvillohet seanca për zëvendësim të masës së sigurisë për ish-kryeministrin Sali Berisha dhe Jamarbër Malltezin, drejtuesin e Departamentit të Mjedisit në PD.

Mësohet se Jamarbër Malltezi është paraqitur në Apelin e GJKKO-së dhe ka kërkuar informacion mbi hetimet e dosjes "Partizani".

Kujtojmë se Berisha dhe Malltezi u morën të pandehur nga SPAK-u dy ditë më parë për privatizimin e ish-kompleksit “Partizani”.

Akuza zyrtare që iu komunikua Berishës ishte “Korrupsion pasiv i funksionarëve të lartë shtetërorë ose të zgjedhurve vendorë”, kryer në bashkëpunim.

Malltezit iu komunikua nga prokurorët e SPAK-ut akuza "Korrupsion pasiv i funksionarëve të lartë shtetërorë ose të zgjedhurve vendorë”, kryer në bashkëpunim.

Gjithashtu, të pandehur u morën edhe Fatmir Bektashi, ndërtuesi në ish-kompleksin "Partizani" dhe Xhimi Begeja, kushëriri i Malltezit.

Bektashit iu komunikuan akuzat “Korrupsion aktiv i funksionarëve të lartë shtetërorë” dhe “Pastrim i produkteve të veprës penale ose veprimtarisë kriminale”, ndërsa Begejës për “pastrim parash”./ CNA





Lajmet e fundit nga