web counter
LEXO PA REKLAMA!

SHKARKO APP

App Store
Google Play

Rama thumbon opozitën/ “Kemi ndërtuar shkolla më shumë se në 40 vite bashkë”

13 Shtator 2024, 12:08, Politikë CNA
Rama thumbon opozitën/ “Kemi ndërtuar shkolla më shumë
Kryeministri Edi Rama

Kryeministri Edi Rama, ministrja e Arsimit dhe Sportit, Ogerta Manastirliu, dhe ministri i Brendshëm, Ervin Hoxha, zhvilluan sot një takim me oficerët e sigurisë dhe mësuesit në shkollën “Kosova”, në kuadër të masave për përmirësimin e sigurisë në shkolla.

Rama thumboi opozitën, duke thënë se ka ndërtuar dhe rindërtuar shkolla më shumë sesa në 40 vitet e fundit të marra së bashku.

"Në këto 10 vite kemi ndërtuar dhe rindërtuar shkolla më shumë sesa në 40 vitet e marra së bashku. Ky vit shkollor sapo ka nisur me një grup shkollash të reja që i shtohen një tërësie godinash arsimore, fryt i një investimi 10-vjeçar. Ne nuk jemi të fokusuar vetëm te godina dhe infrastruktura, por edhe te fuqizimi i autoritetit të mësuesit dhe motivimi i vazhdueshëm i trupës mësimore. Këtë e kemi bërë në të gjitha mënyrat, por mbi të gjitha duke vendosur si objektiv strategjik të qeverisë sonë rritjen e pagave për mësuesit. Synimi ynë është që Shqipëria 2030 të jetë kampione në të gjitha aspektet", tha Kryeministri Rama.

Kryeministri theksoi se qeveria po punon për të siguruar një arsim cilësor, por edhe të sigurt./ CNA





Lajmet e fundit nga