Si na mashtroi sërish Veliaj për pemët në Tiranë

13 Shtator 2024, 11:59, Politikë CNA

Si na mashtroi sërish Veliaj për pemët në Tiranë

Kryebashkiaku i Tiranës, Erion Veliaj

Më 8 shtator, kryebashkiaku Erion Veliaj, nxori një foto në rrjetet sociale dhe tha se Tirana është listuar në “top-10”-shen e kryeqyteteve të Europës me mbulimin më të madh urban me pemë. (Lexo këtu)

Tabela e publikuar nga Erion Veliaj

Sipas logjikës që thotë Erion Veliaj, të dhjetët për pemë në Europë, duhet të kishim standardin e ajrit të këtyre 9 vendeve të tjera.

Prandaj duhet gjelbërimi, prandaj duhen pemët që të pastrohet ajri, të ketë më shumë oksigjen dhe qyteti të jetë më i pastër.

Në fakt ka edhe shumë faktorë të tjerë që ndikojnë në ndotjen e ajrit, si plehrat, ndërtimet, pluhurat, etj.

CNA nxori dje një dokument që tregon se Tirana është qyteti më i ndotur në Europë. Numrat tregojnë se kryeqyteti është me vijë të kuqe sa i përket ndotjes së mjedisit. (Lexoni këtu)

Ndotja e ajrit në Tiranë

Ne po shikojmë cilësinë e ajrit në këto qytete të Europës, sipas renditjes që ka bërë Erion Veliaj.

Po marrim vetëm 3 vendet e fundit, 7-ën, 8-ën dhe 9-ën, si është cilësia e ajrit sipas pemëve që ata kanë duke qenë se Tirana renditet e 10-ta.

Sofja, kryeqyteti i Bullgarisë që renditet e shtata, kualitetin e pastërtisë së ajrit e ka shumë më të mirë se Tirana. Ndërkohë që për Tiranën ndotja e Tiranës është 171, për Sofjen ndotja është vetëm 43 dhe nuk sjell risqe.

Ndotja e ajrit në Sofje

Zagrebi i Kroacisë që renditet i teti e ka ajrin edhe më të pastër. Në Zagreb ndotja është vetëm 23.

Ndotja e ajrit në Zagreb

Nga ana tjetër, kryeqyteti i nëntë, Vilniusi i Lituanisë e ka ndotjen 70.

Ndotja e ajrit në Vilnius

Gjithashtu, po shikojmë edhe të 11-ën apo të 12-ën, dhe 13-ën, Prishtinën, Romën e Berlinin.

Prishtina e ka ndotjen 49, Roma 21 dhe Berlini 32.

Ndotja e ajrit në Prishtinë

Ndotja e ajrit në Romë

Ndotja e ajrit në Berlin

Pra, duket qartazi se cilësia e ajrit në këto qytete, 3 nga të cilat janë më sipër nesh dhe 3 më poshtë është shumë më e pastër, pikërisht sepse ka më shumë pemë.

Tani se si e ka regjistruar Erion Veliaj dhe se si ka dalë kjo llogaritja e pemëve është një tjetër histori, por cilësia e ajrit nxjerr të vërtetën. (Lexo këtu)

Gjithashtu, jemi përballë faktikë se Erion Veliaj, edhe pse është i 10-ti, ka ajrin më të ndotur se ata që janë më poshtë apo janë më afër tij dhe për këtë e ka përgjegjësinë bashkia, për një Tiranë që nuk pastrohet, për një Tiranë me beton dhe me pluhur, për një Tiranë me trafik të rënduar dhe me kaos, për një Tiranë të ndotur dhe të palarë, që të vetmen pastërti e bën kur bie shiu, sepse kompanitë që pastronin kryeqytetin nuk i lanin rrugët, pluhurat, baltën dhe ndërtimet pushtojnë kryeqytetin.

Kryebashkiaku i Tiranës, Erion Veliaj

Faktet janë atje, pemët nuk janë aq sa thotë Veliaj.

Në 11 vite, në rast se do të kishte mbjellë aq shumë pemë, Tirana do të kishte një tjetër ajër, pasi dhe ndotja që i ndodh do të pastrohej nga ato.

Tirana jo vetëm që ka më pak pemë, por ka edhe një ajër më të ndotur sepse ka një kryetar bashkie që në vend që të zgjidhë problemet gjithmonë përpiqet që të gënjejë.

Këtë herë nuk e thotë as opozita dhe as mediat, faktin e ajrit të ndotur e tregon një nga aplikacionet më të besueshme botërore dhe ne nuk bëmë asgjë tjetër, vetëm i krahasuam.

Tani Erion Veliaj le të vazhdojë të gënjejë me propagandën e tij./ CNA