web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi, pyetje publike SPAK-ut për Veliajn

13 Shtator 2024, 12:41, Politikë CNA
Këlliçi, pyetje publike SPAK-ut për Veliajn
Drejtuesi Politik i PD-së për Tiranën, Belind Këlliçi

Drejtuesi Politik i PD-së për Tiranën, Belind Këlliçi, shtroi disa pyetje publike për SPAK-un gjatë protestës para Bashkisë së Tiranës, kundër Erion Veliajt.

Këlliçi tha se Veliaj pretendon se e ka mbyllur dosjen me SPAK-un dhe pyeti Prokurorinë e Posaçme nëse kjo gjë është e vërtetë.

Gjithashtu, ai kërkoi të dijë se përse Veliaj nuk arrestohet.

Drejtuesi Politik i PD-së për Tiranën theksoi se derisa kryebashkiaku i Tiranës të dalë para drejtësisë, protestat nuk do të ndalen.

“Personi ku është shembur ish-godina e Policisë Bashkiake, ka ndërtuar kulla në Tiranë. Ky person pretendon se ka mbyllur dosjen me SPAK-un, është e vërtetë apo jo? Nestor Muhametllari dhe Veliaj, janë me foto duke inspektuar hotelin në Durrës 50 mln euro, ku është fotoja e dokumentet, dilni e jepuni përgjigje qytetarëve?!

Në raportin e KLSH të 2019, evidentohen taksa e 3%, jepni përgjigje ku kanë shkuar këto para, pyetni Fatmir Xhafajn se ju jep ai përgjigje.

Kemi paguar 132 mln euro, Tirana është qyteti më i pistë i Evropës. Qytetarët të na dërgojnë foto e video me mbeturinat që kanë pushtuar lagjet dhe zonat ku jetojnë.

Detyra e vetme që ka marrë Veliaj nga Rama, ka qenë pastrimi i qytetit, se është kthyer në nevojtore që bie erë. Si mund të vjedhë Tiranën e qëndron ende në krye të bashkisë?

Si ka mundësi që lideri i opozitës, Sali Berisha, pa asnjë shans për të ndërhyrë në hetime, mbahet në arrest, ndërsa Veliaj që vjedh e ndërhyn në hetime nuk arrestohet?

Nëse mendojnë se na kanë stepur e kanë gabim. Ne do vijojmë protestën e qëndresën. Ky hajdut do të largohet një orë e më parë. Tentativat e tij për të mbyllur protestën do dështojnë, me përgjigjen më shembullore nga ana e PD. Në protestë permanente, derisa Dumani, Braho e Prençi që s’kanë para një intelektual, por një hajdut xhepash si Veliaj, derisa ta arrestojnë. Ka hyrë në rekordet Guinness, është shndërruar në manual vjedhjesh. '5D' e paprecedentë, rast unikal në botë. I vetmi kryetari i bashkisë që ka futur bashkëpunëtorët në burg dhe ato të mbetur jashtë do t’i dërgojë në burg. S’tërhiqemi pa dalë para drejtësisë kjo mbeturinë që është në krye të Bashkisë së Tiranës.

Do vazhdojmë protestat kundër vjedhjeve që i bëhen këtij qyteti. I njëjti Veliaj që ndërkombëtarët ua shisnin studentëve si model suksesi, turp për ju dhe misionin që keni për të shërbyer në këtë vend. Beteja s’është për PD, por për qytetarët e Tiranës, për ato 80 euro që na vidhen çdo ditë, i vidhet çdo qytetari”, nënvizoi Këlliçi./ CNA





Lajmet e fundit nga