web counter
LEXO PA REKLAMA!

SHKARKO APP

App Store
Google Play

Mosdërgimi i mandatit të Xhaçkës në Kushtetuese/ Delegacioni i BE-së: Nuk është hap në drejtimin e duhur  

13 Shtator 2024, 16:02, Politikë CNA

Mosdërgimi i mandatit të Xhaçkës në Kushtetuese/

Delegacioni i Bashkimit Europian në Tiranë ka reaguar në lidhje me faktin që Kuvendi dje votoi kundër dërgimit të mandatit të Olta Xhaçkës në Gjykatën Kushtetuese.

Në reagimin për mediat, Delegacioni i BE tha se nuk është hap në drejtimin e duhur dhe se zbatimi i vendimit të Gjykatës Kushtetuese është thelbësor.

Delegacioni i BE nënvizon se kjo lidhet me kontrollet dhe balancat institucionale në sistemin demokratik të vendit.

“Ne kemi shprehur shqetësimet tona edhe në raportin e fundit mbi Sundimin e Ligjit në Shqipëri, lidhur me faktin që disa vendime të Gjykatës Kushtetuese nuk janë zbatuar nga Parlamenti, përfshirë edhe në lidhje me këtë çështje, ku vendimi i Gjykatës Kushtetuese daton më shumë se një vit e gjysmë më parë (janar 2023).

Na inkurajoi fakti që Kryetarja e Parlamentit, gjatë hapjes së sesionit parlamentar javën e kaluar, theksoi si prioritet nevojën që Kuvendi të ndjekë vendimet e mbetura të Gjykatës Kushtetuese.

Ajo çka ndodhi dje nuk është një hap në drejtimin e duhur.

Zbatimi i vendimeve të Gjykatës Kushtetuese nga Parlamenti është një çështje thelbësore pasi lidhet me kontrollet dhe balancat institucionale në sistemin demokratik të vendit”, thuhet në reagim./ CNA





Lajmet e fundit nga