web counter
LEXO PA REKLAMA!

SHKARKO APP

App Store
Google Play

Veliaj fillon sulmin/ Urdhër të tijëve: Braktisni Manastirliun

11 Shtator 2024, 19:53, Politikë CNA
Veliaj fillon sulmin/ Urdhër të tijëve: Braktisni Manastirliun
Kryebashkiaku Erion Veliaj

Erion Veliaj, kryebashkiaku i Tiranës, të cilin Edi Rama, kreu i socialistëve dhe Kryeministri i vendit e izoloi për zgjedhjet e ardhshme parlamentare, tashmë ka filluar intrigat dhe skenaret e tij.

CNA ka mësuar në mënyrë ekskluzive se, pas ultimatumit të dhënë nga Rama në mbledhjen e Kryesisë se, Manastriliu do të drejtonte Bashkinë e Tiranës, strukturat e partisë dhe Kamëz, Vorë, Rrogozhinë dhe Kavaja do të drejtoheshin nga Elisa Spiropali, Veliaj duhet të merrej me punët e Bashkisë, ky i fundit ka filluar goditjet nën brez.

I vetëquajturi Zdroms i Tiranëst ka filluar mosbindjen si zakonisht me intrigat e tij, thikat pas shpine, sabotimet duke hedhur helmin e tij në struktura.

Duke shfrytëzuar faktin se ka drejtuar për disa vite degën e Tiranës, Erion Veliaj ka thirrur një pas një në takime “kokë më kokë” por dhe me grupe të vogla, disa besnikë të tij, drejtues të Bashkisë së Tiranës të cilët kanë poste kyçe nëpër njësitë administrative të kryeqytetit, administratorët e njësive administrative, drejtuesit e partisë në këto njësi e të tjerë të cilëve po iu jep orientim në mënyrë të vazhdueshme për bashkinë e Tiranës që të braktisin takimet fillestare të Manastirliut. Kuptohet pas saj rradhën do e ketë Elisa Spiropali, në zonat e saj në Rrogozhinë dhe Kavajë e Vorë.

Mesa duket qëllimi është i qartë.

Një burim nga Bashkia Tiranë, i tha CNA, se duke braktisur takimet fillestare dhe duke sabotuar Manastirliun me punën e saj në kryeqytet, Erion Veliaj do të bëhet edhe më i domosdoshëm dhe do të jetë e nevojshme thirrja e tij nga Edi Rama pasi ky i fundit e ka bojkotuar.

Kryeminsitri dihet që prej kohësh ka një marrëdhënie shumë të ftohtë me kryebashkiakun e Tiranës. Mesa duket tashmë vula është vënë edhe me largimin nga fushata, pasi Edi Rama lexon sondazhet dhe është i bindur që Veliaj është njeriu më i urryer tashmë në politikën shqiptare.

Pas inceneratorëve dhe dosjes 5D dhe mbulimi të Tiranës nga plehrat nuk do të kishte rrugë tjetër për Edi Ramën. Por, Erion Veliaj reziston.

Ka gjetur mënyrën më spektakolare, të sabotojë, të prishë aktivitete, të bojkotojnë eventet apo takimet që do të organizojë Ogerta Manastirliu për përgatitjen e fushatës që të bëhet i domosdoshëm.

I njëjti burim i theksoi CNA se skenari është spektakolar. Ai do t’i sabotojë por në disa takime do të tentojë të shkojë dhe vetë për të treguar se është prezent.

Pra, ai është dhe atje ku ka njerëz do të shfaqet vetë si drejtues i qarkut duke u përpjekur gjithmon të shmangë dy zonjat, Spiropalin dhe Manastriliun ashtu siç bëri edhe menjëherë pas mbledhjes së kryesisë së PS ku përhapi një lajm të rremë të madh se ishte ai drejtuesi politik i qarkut të Tiranës. Mesa duket intrigat do të vijojnë dhe në ditët në vazhdim.

CNA do të sjellë të dhëna nga strukturat e PS në Tiranë dhe Bashkitë e tjera të këtij qarku se si njerëzit e Erion Veliajt po përpiqen që të shkatërrojnë mesa të munden organizmin e partisë për të sjellë si të nevojshëm në fushatë vetë kryebashkiakun e Tiranës Erion Veliajn, njeriun tashmë më të urryer në politikën shqiptare./ CNA





Lajmet e fundit nga