web counter
LEXO PA REKLAMA!

SHKARKO APP

App Store
Google Play

E fundit!

x

Berisha paralajmëron Ramën, akuza SPAK-ut

11 Shtator 2024, 12:12, Politikë CNA
Berisha paralajmëron Ramën, akuza SPAK-ut
Kryetari i Partisë Demokratike, Sali Berisha

Kryetari i Partisë Demokratike, Sali Berisha, paralajmëroi kryeministrin Edi Rama dhe ngriti akuza ndaj SPAK-ut në një prononcim për gazetarët para Prokurorisë së Posaçme.

Berisha deklaroi se Rama po kërkon të marrë mandatijn e katërt, por opozita nuk do ta lejojë.

Sa i përket hetimit të SPAK-ut, ai pretendoi se ky institucion është prokurori private politike e Edi Ramës.

“Qytetarë të pranishëm, jam sot për t'u paraqitur atyre betimin solemn se Rama jo vetëm që nuk do marrë mandat të 4 por shumë shpejt do ta lëshojmë me pjesën e trupit që ka më qejf në tokë.

Prokuroria politike private e Edi Ramës, SPAK, bazuar në kallëzimin e rreme të kryetarit të grupit parlamentar të PS dhe ish-ministrit të Brendshëm Taulant Balla ka hetuar Sali Berishën në 3 breza deri tek mbesat e tij dhe qysh prej kohës kur ato nuk kishin lindur ende;

Ata kanë hetuar edhe veprimtarinë e Partisë Demokratike duke filluar qysh para 20 vitesh dhe deri tek kandidatet e PD për kryetar bashkie në zgjedhjet e 2023;

Po me urdhër politik mercenaret e prokurorisë politike të Edi Ramës mbajnë në arrest antikushtetues kryetarin e opozitës në Shqipëri prej 255 ditësh pa asnjë fakt, dokument apo dëshmi, por veç me urdhrat politik të Edi Ramës dhënë publikisht në Kongresin e PS me 09.04.2022 dhe Asamblenë e PS me 07.05.2022 si dhe me kërkesën publike dhe jo publike tashmë të njohur të zyrtarëve dhe diplomatëve të korruptuar të një vendi mik si McGonigal e të tjerë.

SPAK-prokuroria private politike e Edi Ramës me dosjen e Klubit Partizani krijoi një piramidë mashtrimi, fshehu dhe manipuloj qendra dokumente publike, kreu shkelje kushtetuese të përsëritura dhe la në burgim të paligjshëm shtëpie Sali Berishën, me qëllimin e vetëm për t’i shërbyer Edi Ramës”, u shpreh ai ndër të tjera./ CNA





Lajmet e fundit nga