web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Si Rama kryqëzoi Veliajn në Kryesinë e PS-së

10 Shtator 2024, 14:20, Politikë CNA
Ekskluzive/ Si Rama kryqëzoi Veliajn në Kryesinë e PS-së
Erion Veliaj dhe Edi Rama

Mbledhja e Kryesisë së PS-së, e zhvilluar ditën e djeshme, ka rikonfirmuar edhe njëherë përdhosjen që kryeministri Edi Rama i bën në mënyrë të vazhdueshme kryebashkiakut të Tiranës, Erion Veliaj. 

Në Asamblenë e ditës së diel, kryeministri Rama e tribloi Erion Veliajn, duke vendosur Elisa Spiropalin dhe Ogerta Manastirliun, së bashku me kryebashkiakun e Tiranës, si drejtues të qarkut të kryeqytetit. (Lexo këtu)

Burime nga mbledhja i thanë CNA-së se kryeministri Rama menjëherë e ka filluar drejtimin dhe prezantimin e takimit të parë të Kryesisë së re me detyrat organizative. Fillimisht ai i është drejtuar Tiranës.

Ekskluzive/ Si Rama kryqëzoi Veliajn në Kryesinë e PS-së
Kryeministri Edi Rama

Rama “shkund” Veliajn

Kryeministri dhe kreu i PS-së, Edi Rama, ka thënë se Elisa Spiropali do të marrë drejtimin e Kamzës dhe Vorës, bashki që ajo i ka pasur edhe më parë. Gjithashtu, do t’i shtohen edhe Kavaja dhe Rrogozhina. (Lexo këtu)

Nga ana tjetër, Ogerta Manastirliu do të marrë në mënyrë ekskluzive organizimin e strukturave të Bashkisë Tiranë.

Kryeministri nuk është kursyer ndaj Erion Veliajt, duke “i drejtuar gishtin” dhe duke i thënë  të merret me kryeqytetin, me punët që ka.

Ekskluzive/ Si Rama kryqëzoi Veliajn në Kryesinë e PS-së
Edi Rama dhe Erion Veliaj

Këto kanë qenë fjalët e Edi Ramës në fillim të mbledhjes. Pasi ka kaluar diskutimet për qarqet e tjera, në fund të mbledhjes Edi Rama i është drejtuar sërish Erion Veliajt.

Kryeministri nuk e ka lejuar në asnjë çast Erion Veliajn që t’i kthejë përgjigje për akuzat e drejtpërdrejta, si dhe për faktin se ai nuk do të kishte më punë me organizimin e partisë, por do të ishte Ogerta Manastirliu që do të menaxhonte strukturat e socialistëve të Tiranës dhe bashkitë e tjera, Kamzën, Vorën, Rrogozhinën dhe Kavajën do t’i menaxhonte Elisa Spiropali.

Ekskluzive/ Si Rama kryqëzoi Veliajn në Kryesinë e PS-së
Elisa Spiropali dhe Ogerta Manastirliu

Burimet zyrtare theksuan për CNA se situata e Veliajt me kryeministrin Edi Rama nuk është e përkohshme, vazhdon pas disa muajsh, menjëherë pas daljes së dosjes “5D”. Mesa duket, triblimi që ai i ka bërë kryebashkiakut është për të shmangur kostot e urrejtjes që ka kryebashkiaku i Tiranës në kryeqytet, për të mos i kthyer ato në vota kundër socialistëve. (Lexo këtu)

Injorimi në publik

Duhet nënvizuar fakti se kryeministri Edi Rama ka shmangur takimet dhe daljet publike me Erion Veliajn që prej arrestimit të drejtorëve të Bashkisë Tiranë.

Kujtojmë këtu edhe ceremoninë për nderimin e Ali Ahmetit në Bashkinë e Tiranës, ku Rama e pa Veliajn me neveri, mllef e pështirosje dhe deklaroi se kishte shkuar në atë institucion vetëm për shkak të kreut të BDI-së. (Lexo këtu)

Ekskluzive/ Si Rama kryqëzoi Veliajn në Kryesinë e PS-së
Erion Veliaj dhe Edi Rama në ceremoninë e nderimit të Ali Ahmetit. Burimi: LSA

Më pas Rama e preu Veliajn nga fotot me Ali Ahmetin, ndërsa ka pasur edhe raste të tjera kur kreu i qeverisë ka fshirë Veliajn nga fotot. (Lexo këtu)

Mbledhja e Grupit Parlamentar

Nga ana tjetër, mësohet se socialistët pritet të mbledhin Grupin Parlamentar dhe strukturat e tjera për të ndarë grupet e punës për qarqet. (Lexo këtu)

Takimi do të jetë informal dhe do të zhvillohet në Elbasan. Fokusin, Rama do ta vendosë te zbritja e deputetëve në bazë dhe takimet me qytetarët, një porosi kjo e dhënë edhe në mbledhjen e Kryesisë./ CNA





Lajmet e fundit nga