web counter
LEXO PA REKLAMA!

SHKARKO APP

App Store
Google Play

Rama në Athinë/ Veliaj, pushime në Venecia në fundjavë

12 Maj 2024, 20:29, Aktualitet CNA

Kryebashkiaku i Tiranës, Erion Veliaj, i shoqëruar nga bashkëshortja e tij, Ajola Xoxa, kanë kaluar një fundjavë luksoze në Veneca.

CNA ka mësuar nga burime të mirëinformuara se zoti Veliaj është kthyer në Rinas sot, rreth orës 20:00.

Disa pasagjerë të pranishëm në fluturim kanë konfirmuar se Erion Veliaj, së bashku me bashkëshorten e tij, Ajola Xoxa janë kthyer nga Venecia ditën e sotme.

Gjithashtu mësohet se Veliaj ka ikur disa ditë më parë me pushime në qytetin italian pas halleve të shumta që ka pasur me drejtësinë, por edhe plasjes së skandalit të bashkëshortes së tij, Ajola Xoxa, si kuratore në disa kompani, deri në kurime të një vepre arti të vendosur në zonën e landfillit të Sharrës.

Persona të pranishëm në avion thanë se Veliajn e kishin parë në Venecia gjatë ditës së djeshme dhe pretendohet se ai ka qëndruar në një nga hotelet më luksoze të këtij qyteti, i shoqëruar nga bashkëshortja e tij.

Erion Veliaj mori bashkëshorten për dore dhe fluturoi për t’u shplodhur në hotelet luksoze, pasi Rama refuzoi ta perfshinte në stafin që do udhëtonte me të në Athinê, duke e shmangur për të disatën herê.

Kryeministri Edi Rama dhe stafi i socialistëve shkuan të punojnë dhe u mblodhën të bënin një takim elektoral në Athinë, Veliaj gjeti si justifimim një fundjavë me bahskëshorten në Venecia./ CNA





Lajmet e fundit nga