web counter
LEXO PA REKLAMA!

SHKARKO APP

App Store
Google Play

E fundit!

x

“Bashkërendimi antishqiptar Tiranë-Beograd”/ Berisha, thirrje UEFA-s: Mos bini pre e lojrave mafioze

11 Maj 2024, 18:24, Aktualitet CNA
“Bashkërendimi antishqiptar Tiranë-Beograd”/ Berisha,
Sali Berisha

Shqipëria dhe Serbia kanë kërkuar zyrtarisht organizimin e Kampionatit Evropian në futboll për grupmoshën deri në 21 vjeç, në vitin 2027.

Pas kësaj ka patur një reagim nga ish-kryeministri Sali Berisha.

Përmes një statusi në rrjetet sociale, Berisha shkruan se ky është akt antishqiptar i argatit të Beogradit që shënon një turp kombëtar.

Berisha i ka bërë thirrje UEFA-s, të mos bjerë pre e lojrave të kryemafiozëve të Ballkanit Aleksandër Vuçiç dhe Edi Rama që kërkojnë të përdorin sportin në funksion të interesave të tyre dhe qëllimeve të mprapshta politike.  

“Bashkërendimi antishqiptar Tiranë-Beograd.

Edi Rama po bën gjithçka të realizojë organizimin e kampionatin europian të të rinjve së bashku me Vuçiç. 

Ky akt që ka habitur UEFA është një akt i mirëfilltë antishqiptar i argatit të Beogradit që shënon një turp Kombëtar. Në vend që Shqipëria të kërkojë që kampionati të zhvillohet në Tiranë dhe Prishtinë dhe mundet edhe në Shkup ose Podgoricë, për lidhjet e tij prej argati kërkon Beogradin.

Por në këtë aferë Edi Rama ka dhe një interes tjetër mafioz i cili është edhe dhurimi në një plaçkitje shtetërore Olsi Ramës nga vëllai Edi të 37 mijë m2 tokë.

I bëj thirrje UEFA të mos bjeri pre e lojrave të kryemafiozëve të Ballkanit Aleksandër Vuçiç dhe Edi Rama që kërkojnë të përdorin sportin në funksion të interesave të tyre mafioze dhe qëllimeve të mprapshta politike”, shkruan Berisha./ CNA





Lajmet e fundit nga