web counter
LEXO PA REKLAMA!

SHKARKO APP

App Store
Google Play

Sadushi ankohet për lekë/ "Gjykata e Lartë s'ka financa"

10 Maj 2024, 18:50, Aktualitet CNA

Kryetari i Gjykatës së Lartë, Sokol Sadushi u ankua për financat gjatë një takimi me me gjyqtarë në Ditën e Drejtësisë.

Sadushi tha se Gjykata e Lartë ka nevojë për mbështetje financiare dhe për burime njerëzore e materiale.

“Megjithëse Gjykata e Lartë ka një përmirësim të ndjeshëm të situatës post-reformë, falë punës dhe angazhimit maksimal të gjyqtarëve dhe stafit administrativ, por edhe Këshillit të Lartë Gjyqësor që ka plotësuar numrin e gjyqtarëve, ajo vijon të ketë pamjaftueshmëri të burimeve njerëzore, materiale dhe financiare. Në fakt, kjo është situata në të gjitha gjykatat e Republikës, që do ta konsideroja problematike, në mos edhe kritike”, u shpreh ai.

Më tej, Sadushi deklaroi se dosjet që po rriten në mënyrë drastike.

“Gjyqtarët janë mbingarkuar me një vëllim çështjesh në rritje drastike. Ne kemi nevojë për një trupë administratorësh të aftë për të menaxhuar dhe drejtuar, në mënyrë që gjyqtarët të përqendrohen në detyrën parësore, të gjykuarit. Gjykatat nuk mund të kryejnë siç duhet misionin e tyre, nëse struktura, qeverisja, vizioni strategjik, programet dhe veprimet që ndërmerren, nuk krijojnë një perceptim të merituar në publik se gjyqësor është i përgjegjshëm”, theksoi kreu i Gjykatës së Lartë./ CNA





Lajmet e fundit nga