web counter
LEXO PA REKLAMA!

SHKARKO APP

App Store
Google Play

E fundit!

x

Vodhën mbi 21 mln lekë në UKT përmes rrogave të dublikuara, dërgohen për gjykim 4 zyrtarët

11 Maj 2024, 10:28, Aktualitet CNA
Vodhën mbi 21 mln lekë në UKT përmes rrogave të
Prokuroria e Tiranës

Prokuroria e Tiranës ka përfunduar hetimet dhe ka dërguar për gjykim 4 zyrtarë të Ujësjellës Kanalizimeve Tiranë të akuzuar për vjedhjen e 21.6 milionë lekëve përmes rrogave të dublikuara.

Erblin Lushaj inxhinier dhe Sigi Zhuleku përgjegjës i pagave, u arrestuan në dhjetor të 2023-shit.

Por këta të fundit lanë qelinë pas disa javësh në masën ‘arrest shtëpie’, ndërsa në ‘detyrim paraqitje’ janë hetuar dy faturistët Rudina Lalaj e Azem Xhaferri.

Ata u kallëzuan nga Drejtori i Përgjithshëm i UKT për veprën penale të vjedhjes duke shpërdoruar detyrën e kryer në bashkëpunim dhe dolën zbuluar nga një bankë e nivelit të dytë e cila zbuloi skemën. 

Nga hetimi rezultoi se abuzimi me pagat ishte një proces i shtrisë nga muaj prill 2018 deri në korrik 2023. 

Prokuroria arriti në përfundimin se Sigi Zheleku ka përfituar në mënyrë të paligjshme, përtej vlerës së listë pagesës mbi të ardhurat nga punësimi, diferencën prej 13, 983, 504 lekësh nga prilli i 2018 në korrik 2023. Rudina Lalaj për periudhën prill 2018-korrik 2023 ka përfituar 5, 627, 504 lekë.

Erblin Lushaj për periudhën prill 2018-shtator 2021, ka përfituar, 1, 616, 416 lekë dhe Azem Xhaferi për periudhën prill 2021-korrik 2022, ka përfituar 452,446 lekë./CNA 





Lajmet e fundit nga