E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Ekonomisti i njohur: Norma e rritjes së të ardhurave në vendet e Ballkanit Perëndimor, zhgënjyese

11 Maj 2024, 20:07, Aktualitet CNA

Ekonomisti i njohur: Norma e rritjes së të ardhurave në vendet e

Branko Milanoviç

Ditmir Bushati ka diskutuar në podcast-in “Public Square” me një ekonomist të famshëm amerikan, me origjinë serbe, Branko Milanovi?, i cili për shumë vite ka punuar si ekonomist pranë Bankës Botërore, dhe tanimë është profesor në City University of New York mbi pabarazinë globale.

Ekonomisti Milanoviç ka deklaruar se norma e rritjes së të ardhurave për frymë në 6 vendet e Ballkanit Perëndimor ka qenë zhgënjyese.

Ai tha se, këto vende nuk kanë rritje të popullsisë. Në përgjithësi 5% rritje e përgjithshme është 5% për frymë

Milanovic theksoi se për një periudhë Shqipëria e pati një rritje ndërsa vendet e tjera të Ballkanit Perëndimor nuk e patën.

Sipas ekonomisitit disa nga të ardhurat janë nënvlerësuar sepse janë numëruar më shumë njerëz në një vend krahasuar me numrin real.

“Fillimisht, norma e rritjes së 6 vendeve që përmendët do të thosha se përgjithësisht ka qenë zhgënjyese. Nëse duam të mendojmë për një konvergjencë të vërtetë norma e rritjes pritet të jetë për një periudhë konstante, pothuajse prej njëzet vitesh për të qenë rreth 5% për frymë.

Këto vende nuk kanë rritje të popullsisë. Në përgjithësi 5% rritje e përgjithshme është 5% për frymë. Kjo nuk është arritur në të vërtetë.

Mendoj se Shqipëria e arriti për një periudhë kur kishte një normë shumë të lartë rritje. Por vendet e tjera nuk e kanë arritur.

Së dyti këto vende kanë humbur shumë nga popullsia e tyre gjë që në një farë pike në nivel për frymë është diçka e mirë.

Unë mendoj se disa nga të ardhurat janë nënvlerësuar sepse janë numëruar më shumë njerëz në një vend krahasuar me numrin real.

Bullgaria është një shembull shumë i mirë. Mendoj se 20% e popullsisë është larguar.

Nëse marrim PBB e Bullgarisë nuk duhet ta pjesëtojmë sipas të dhënave të censusit që supozojnë se këta njerëz janë ende atje.

E njëjta gjë mund të jetë e vërtetë për Shqipërinë. Të ardhurat për frymë ndoshta nuk janë vlerësuar në mënyrën e duhur”, tha ekonomisti./ CNA