web counter
LEXO PA REKLAMA!

SHKARKO APP

App Store
Google Play

E fundit!

x

Mungesa e mësuesve/ Rama e gjen zgjidhjen te pensionistët

9 Shtator 2024, 13:28, Politikë CNA
Mungesa e mësuesve/ Rama e gjen zgjidhjen te pensionistët
Kryemistri Edi Rama

Kryemistri Edi Rama u bëri thirrje mësuesve në pension që t’i vijnë në ndihmë sistemit arsimor me përvojën e tyre, sidomos në shkollat profesionale.

Gjatë fjalës së tij në përurimin e shkollës së re “Babë Dudë Karbunara”, në Berat, Rama pranoi në mënyrë indirekte mungesën e personelit të kualifikuar në sistemin arsimor, duke e parë zgjidhjen te profesionistët që tashmë janë në pension.

“Është inkurajim dhe frymëzim sa herë takon mësues në pension, se kanë energji dhe pasion që është pak vështirë të lexohet te mësuesit akoma në aktivitet, ndoshta edhe për faktin e ngarkesës së përditshme.

Nga ana tjetër, besoj se kam të drejtë kur përpiqem të argumentoj me kolegët ministra, qoftë të arsimit apo ekonomisë, që merret me arsimin profesional, se ne kemi shumë mësues në pension që mund t’i ftojmë që të angazhohen me orar të reduktuar në një përkujdesje të veçantë që ka të bëjë me mbikëqyrjen dhe me lehtësinë që duhet të ketë në aspektin e komunikimit procesi i punës së nxënësve të arsimit profesional në ndërmarrje, si pjesë e sistemit dual, që ne po thellojmë, dhe që është domosdoshmëri për t’i dhënë më shumë dhe shpejt krahë të kualifikuar pune tregut.

Po punojmë mbi të dhënat që na mundësojnë tanimë që të fillojmë integrimin e pensionistëve në hapësirën e kësaj rritjeje ekonomike, në mënyrë që edhe ata të fillojnë të ndiejnë hap pas hapi drejt Shqipërisë 2030 atë që është e ndjeshme në buxhetin e familjeve të mësuesve që sot e kanë pagën mesatare 950 euro, një pagë tanimë në nivelin e vendeve më të përparuara të rajonit, e cila krijon premisa për të kërkuar më shumë nga vetja mësuesit dhe ne nga ata”, deklaroi Rama./ CNA





Lajmet e fundit nga