web counter
LEXO PA REKLAMA!

SHKARKO APP

App Store
Google Play

E fundit!

x

E hënë e ngarkuar/ Mblidhen sot 8 komisione parlamentare

9 Shtator 2024, 09:30, Politikë CNA
E hënë e ngarkuar/ Mblidhen sot 8 komisione parlamentare
Kuvendi i Shqipërisë, foto e marrë nga Google

Kjo e hënë e 9 gushtit është e ngarkuar me komisione parlamentare. Mësohet se do të mblidhen 8 komisione.

Konkretisht do të mblidhen komisionet për Çështjet Sociale dhe Shëndetësinë, për Çështjet Ligjore, për Edukimin, për Veprimtarinë Prodhuese, për Sigurinë Kombëtare, për Çështjet Europiane, për Ekonominë dhe Komisioni Hetimor për Shëndetësinë.

Në Komisionin e Çështjeve Sociale do të shqyrtohet akti normativ për ndryshimet në ligjin e urdhrit të mjekëve dhe do të zhvillohet seancë dëgjimore me përfaqësues të Urdhrit të Mjekut.

Ligjet do të shqyrtojnë ndryshimet në ligjet dhe aktet normative për shërbimin veterinar, për peshkimin, për buxhetin e vitit 2024, për lejet e mjedisit, për kërkimin shkencor, për huanë e zhvillimit të gjelbër, për marrëveshjet ndërkombëtare, për urdhrin e mjekëve dhe për Sigurimet Shoqërore.

Komisioni për Edukimin do të mbajë një seancë dëgjimore me Fidel Yllin e KOKSH-it, ndërsa ai për Veprimtaritë Prodhuese do të diskutojë dhe votojë projektligjin “Për inspektimin në Republikën e Shqipërisë”.

Dy komisionet e Sigurisë Kombëtare dhe Çështjeve Europiane kanë në rend dite projektligjin “Për ratifikimin e letrës së pjesëmarrjes së Këshillit të Ministrave të Republikës së Shqipërisë në memorandumin e mirëkuptimit për Qendrën Evropiane të Ekselencës kundër Kërcënimeve Hibride”.  

Tek Ekonomia do të shqyrtohen ndryshimet për buxhetin 2024 dhe projektligji për kërkimin shkencor.

Nga ana tjetër, në Komisionin Hetimor për koncesionet në shëndetësi do të pyeten Enkel Joti, Albana Fico, Alma Cani dhe Nadire Jani./ CNA





Lajmet e fundit nga