E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Veliaj, mashtruesi serial

8 Shtator 2024, 15:14, Politikë CNA

Fotomontazh - Erion Veliaj

Kryebashkiaku Erion Veliaj, këtë të diel ka bërë një status në rrjetet sociale, ku thotë se Tirana është listuar në top 10-shen e kryeqyteteve të Europës me mbulimin më të madh urban me pemë.

Veliaj është mburrur duke thënë se Tirana ka mbulim më të madh me pemë se Athina, Beogradi dhe Brukseli.

“Super lajm për Tiranën nga Agjencia Europiane e Mjedisit!

Hidhi një sy këtij grafiku, për të mësuar se si Tirana listohet në top 10-shen e kryeqyteteve të Europës me mbulimin më të madh urban me pemë, duke lënë pas Athinën, Beogradin, Brukselin e plot qytete të tjera. Një arritje e jashtëzakonshme për gjithë punën e bërë në këto vite, me mbjelljen e pemëve të reja, si e vetmja mënyrë për të përmirësuar jetën e fëmijëve dhe të gjithëve.

Eshtë edhe një përgjigje për shpotitjet e atyre që, çudi si nuk lodhen së djeguri goma duke ndotur mjedisin në qendër të Tiranës, por mazallah se kapin një lopatë me dorë!”, ka shkruar ai.

Tabela e publikuar nga Erion Veliaj

Por kjo rezulton një mashtrim, pasi Banka Botërore e ka rrëzuar këtë tezë edhe më parë.

Pretendimet e Veliajt i përgënjeshtron raporti i Bankës Botërore në prill të këtij viti, që u referohet të dhënave të Dynamic World, një partneritet mes Google dhe World Resources Institute, që mat në kohë reale me rezolucion maksimal ndryshimin e sipëfaqeve të gjelbra në 5 mijë qytete të botës. (Kliko për matjet).

Në këtë raport, Banka Botërore thoshte se Tirana ka shënuar reduktim të sipërfaqeve të gjelbra.

“Qytetet e mëdha të rajonit, si Beogradi, Shkupi, Sarajeva dhe Prishtina dëshmuan një rritje të sipërfaqes së gjelbër midis 2015 dhe 2020, ndërsa Tirana, Tetova dhe Prizreni përjetuan rënie në mbulesën e gjelbër”, thotë raporti.

Veliaj mashtroi për pyllin orbital
11 Prill, 20:26

Kështu, tezat e Veliajt për gjelbërimin e Tiranës dhe pyllin orbital nuk vlejnë dhe nuk janë gjë tjetër veçse mashtrime.

Dhe në fakt, nuk është ky i vetmi rast që Veliaj mashtron qytetarët. Mashtrimet e tij nisin që nga inceneratori i Tiranës që nuk ekziston dhe paguhet rreth 30 mijë euro në vit nga taksapaguesit shqiptarë të varfër, e vazhdon edhe me faktin që plehrat kanë mbuluar Tiranën, por që kryebashkiaku deklaron se është kryeqyteti më i pastër.

Këto janë vetëm disa nga gënjeshtrat e Veliajt, të cilat CNA i ka denoncuar herë pas here dhe do të vazhdojë t’i denoncojë derisa Veliaj të mbajë përgjegjësi për bëmat si kryetar i drejtorëve hajdutë të Bashkisë së Tiranës./ CNA