web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama heq përfundimisht Ditmir Bushatin nga drejtimi i PS-së

8 Shtator 2024, 13:36, Politikë CNA

Edi Rama heq përfundimisht Ditmir Bushatin nga drejtimi i PS-së

Ditmir Bushati dhe Edi Rama

Kryeministri Edi Rama sot ka bërë shpalljet për drejtuesit politikë, sekretariatin ekzekutiv, anëtarësinë e PS-së dhe për drejtuesit e Asamblesë së Përgjithshme.

Në qarqe pati emra surprizë, por ajo që bie në sy është se shumica e anëtarëve të Kryesisë janë të njëjtë, janë rikandiduar ose qarkulluar, dikush është dërguar drejtues qarku, dikush ka mbetur ende në Kryesi.

I vetmi emër që nuk është rikandiduar nga Edi Rama nga kryesisa e shkuar është emri i Ditmir Bushatit, ish-ministrit të Jashtëm.

Duhet theksuar se në garën në vitin 2021, Bushati ka qenë më i votuari nga socialistët si anëtar i Kryesisë së Partisë Socialiste nga radhët e burrave.

Prej kohësh është parë një ftohje e Ditmir Bushatit, ka pasur përplasje të forta dhe kritika nga ana e ish-ministrit të Jashtëm në lidhje me korrupsionin, qeverisjen, etj.

Mesa duket hatërmbetjet e radhës kanë shkuar deri në fund, duke bërë që Ditmir Bushati të përjashtohet nga nivelet drejtuese të PS-së dhe ata të mbushen me ministra, ish-ministra dhe zyrtarë të tjerë të Partisë Socialiste.

Ndërkohë, po të shikosh listat e personazheve, shumë nga ata emra nuk kanë asnjë lloj niveli dinjitoz për të qenë në postet drejtuese të socialistëve, jo vetëm për kontribute, por edhe për nga niveli intelektual dhe shoqëror në krahasim me Ditmir Bushatin./ CNA





Lajmet e fundit nga