web counter
LEXO PA REKLAMA!

SHKARKO APP

App Store
Google Play

Rama: PD nuk do të marrë më shumë mandate sesa në vitin 1997

8 Shtator 2024, 11:52, Politikë CNA
Rama: PD nuk do të marrë më shumë mandate sesa në vitin
Kryeministri Edi Rama

Kryeministri Edi Rama pretendoi se PS do të fitojë sërish zgjedhjet parlamentare të vitit 2025 dhe opozita do të ketë humbje të thellë.

Gjatë fjalës në Asamblenë e PS-së, Rama tha se opozita nuk do të marrë më shumë mandate se në vitin 1997.

“Unë nuk shoh filxhan, por ne dimë që të lexojmë mendjen e popullit jo vetëm se kemi patronazhistët, por sepse kemi tani një strukturë shkencore të kolauduar që bënë anketimet e përmuajshme të opinioneve të njerëzve. Ne nuk hedhim fall, por analizojmë dhe parashikojmë. Mbajeni mend këtë që do t'ju them: PD zor se merr më shumë mandate sesa mori në vitin e zi 1997. Mbajeni shënim”, deklaroi ndër të tjera kreu i qeverisë.

Sipas tij, në politikanët opozitarë janë njëri më i rraskapitur se tjetri.

“Për të qeshur se për të qarë nuk qajmë dot për ta, kur të nxjerrin përballë një ekip drejtues për zgjedhjet e ardhshme si ai që doli para pak ditësh. Besoj e patë. E ma ha mëndja, që njësoj si mua edhe juve për një moment ju iku gjysma e dëshirës për betejë. Fund e krye humbësa kronikë. Njëri më i rraskapitur se tjetri. Të njëjtët që e nxorrën sa e sa herë fitimtarë Lulin e shkretë e tani do të vulosin fitoren në penxheren e katit të 8-të. E pastaj thonë nuk fitohet kundër diktaturës së Edi Ramës e Ps-së. Në fakt kjo diktatura jonë është si ajo Gim Fagut e Gaz Çaçit që kur hyje në nxemje i shikoje e të dukeshin më të dobët se hernë tjetër e thoje a sot do i rrahim, por kur fillonte loja, ta bënin fushën të dukej më e vogël për ty dhe më e madhe për ata. Kur ta bënin koshin tënd si kullojëse makaronash”, nënvizoi Rama./ CNA





Lajmet e fundit nga