web counter
LEXO PA REKLAMA!

SHKARKO APP

App Store
Google Play

Këlliçi- Zyrës së Delegacionit të BE-së: Tallje që ftuat Veliajn te Kolegji i Evropës

6 Shtator 2024, 12:17, Politikë CNA
Këlliçi- Zyrës së Delegacionit të BE-së: Tallje
Belind Këlliçi

Drejtuesi Politik i PD-së për Tiranën, Belind Këlliçi,  u shpreh në protestën e sotme që po zhvillohet para bashkisë se është një tallje për shqiptarët që Zyra e Delegacionit të BE-së në Tiranë e fton Veliajn te hapja e Kolegjit të Evropës si një njeri të suksesshëm. 

Ai tha se Veliaj është një hajdut dhe mashtrues dhe nuk mund të prezantohet si shembull para studentëve ekselentë. 

"Duhet t'i bëjmë ballë një regjimi. Sot po zhvillohet një shfaqje e shëmtuar, ambasadori i BE do t'u prezantojë studentëve ekselentë të Tiranës, një plehrë, një hajduti si Veliaj, si shembull për ta. Veliaj ka shkatërruar qytetin e Tiranës. Këtë njeri Zyra e Delegacionit të BE-së në Tiranë do e shesë sot si një simbol sukses, kjo është një tallje. Ai është një hajdut, ai është në hetim pasuror, gjysma e shtabit të tij elektoral janë në burg dhe gjysma tjetër do të shkojë në burg. Të vijë Veliaj këtu dhe t'u tregojë qytetarëve diplomën e universitetit. Çdo ditë baltos dhe shpif", u shpreh Këlliçi./CNA 





Lajmet e fundit nga