web counter
LEXO PA REKLAMA!

SHKARKO APP

App Store
Google Play

Teliti, i prerë: Kryeministria dhe Bashkia e Tiranës të zbrazen urgjentisht

6 Shtator 2024, 12:06, Politikë CNA
Teliti, i prerë: Kryeministria dhe Bashkia e Tiranës të zbrazen
Dorian Teliti

Në protestën që po zhvillohet para bashkisë, nënkryetari i Këshillit Bashkiak të Tiranës, Dorian Teliti, u shpreh se Shqipëria është vendi që ka numrin më të lartë të emigrantëve dhe qytetarët vuajnë nga korrupsioni dhe të ardhurat e ulëta. 

Ai u shpreh i vendosur se dy godinat që duhet të zbrazen urgjentisht me revolta popullore është godina e Kryeministrisë dhe kjo e Bashkisë së Tiranës, pasi po vidhen qytetarët. 

"Një falënderim për të gjithë ju që i rezistuat të nxehtit të verës për të protestuar kundër vjedhjeve të bëra nga pushteti. Ne rezistuam në diell, po rezistojmë dhe në shi pasi ne jemi me të drejtën, me qytetarët, me sipërmarrjen, me fëmijët, me pensionistët, me të sëmurët dhe me të gjithë ata që sot janë të harruar. Dy godinat që duhet të zbrazen urgjentisht nga revolta popullore është godina e Kryeministrisë dhe kjo e Bashkisë së Tiranës, e cila ka vjedhur dhe po vazhdojnë të vjedhin taksat e qytetarëve. Tirana është kthyer në një vatër të madhe sëmundjesh kancerogjene si pasojë e malit me mbetje, kanceri nuk njeh je i majtë apo i djathtë, por paratë që vidhen çdo ditë me mbetjet e kanë një ngjyrë është ajo e kuqja e rilindjes. Shqipëria është vendi me të ardhurat më të uëlta në europë dhe me korrupsionin më të lartë të europë, Shqipëria është vendi me numrin më të madh të emigracionit ku e shikoni europianizmin ju qytetarë dhe ndërkombëtarë. Në cilin aspekt e keni parë europianizmin ju në tenderët pa garë, në korrupsion apo në taksat që vidhen. Shqipëria do të bëhet evropiane nëse drejtohet nga njerëz që e duan Shqipërinë", u shpreh Teliti./CNA 

 





Lajmet e fundit nga