web counter
LEXO PA REKLAMA!

SHKARKO APP

App Store
Google Play

E fundit!

x

Dorëheqja e Pezës/ Zhupa: Çlirimi i RTSH-së, një fitore e vogël e një beteje për ligjshmëri

6 Shtator 2024, 11:07, Politikë CNA
Dorëheqja e Pezës/ Zhupa: Çlirimi i RTSH-së, një
Ina Zhupa

Deputetja e Partisë Demokratike, Ina Zhupa, ka reaguar për dorëheqjen e Alfred Pezës si kreu i Radio Televizionit Shqiptar. 

Në një postim në rrjetet sociale, Zhupa shprehet se çlirimi i RTSH-së është një fitore e vogël e një beteje për ligjshmëri.

Sipas saj, Këshilli Drejtues duhet të ngrihet në lartësinë e detyrës në zgjedhjen e re. 

"Meqenëse herën e parë e tërhoqi, të dytën po ia nxjerrim me foto! Dorëhiqet Drejtori i paligjshëm i RTSH-së! Nuk dua të përsëris vetveten, por çlirimi i RTSH-së është një fitore e vogël e një beteje për ligjshmëri. RTSH është aset publik që mbahet me taksat e shqiptarëve dhe duhet të drejtohet në bazë të ligjit dhe në shërbim të interesit publik. Fatkeqësia ishte që ligji, por edhe normat morale ishin zhdukur nga Peza. Këshilli Drejtues të ngrihet në lartësinë e detyrës në zgjedhjen e re", shprehet Zhupa. 

Mësohet se Peza ka dhënë dorëheqje të parevokueshme nga kjo detyrë. Ai qëndroi në këtë pozicion pune më shumë se një vit, pasi u zgjodh si kreu i RTSH-së në muajin qershor të 2023-shit. 

Mënyra se si Peza drejtoi këtë institucion u kritikua shumë. CNA ka raportuar me dhjetëra lajme ku janë denoncuar shkarkimet masive të punonjësve dhe abuzimet me fondet apo projektet në këtë institucion./CNA 

Dorëheqja e Pezës/ Zhupa: Çlirimi i RTSH-së, një





Lajmet e fundit nga