web counter
LEXO PA REKLAMA!

SHKARKO APP

App Store
Google Play

E fundit!

x

Rritja me 500 efektivë e trupës policore/ Teliti: Ta harrojnë se do të mund të shtypin protestat

5 Shtator 2024, 15:31, Politikë CNA
Rritja me 500 efektivë e trupës policore/ Teliti: Ta harrojnë se
Dorjan Teliti

Koordinatori për Programin Ekonomik në Partinë Demokratike, Dorjan Teliti, ka reaguar në lidhje me vendimin për rritjen me 500 efektivë të trupës policore.

Sipas Telitit ky është një veprim politik që i shërben qeverisë, por u kushton 5 milionë euro çdo vit taksapaguesve shqiptarë.

Ai thekson se në 11 vite çdo vendim i mazhorancës nuk është ndërmarrë për t’u ardhur në ndihmë qytetarëve, zhvillimit, ekonomisë dhe aktorëve të tregut, por vetëm si e si të çimentojnë rrënjët e kalbura të keqqeverisjes.

Teliti ka nënvizuar se mund të shtojnë 500 efektivë për policinë e pushtetit, por kurrsesi nuk do të mund të shtypin protestat qytetare.

“500 EFEKTIVË SHTESË PËR POLICINË E PUSHTETIT, POR TA HARROJNË SE DO MUND TË SHTYPIN PROTESTAT QYTETARE!

Fakt: Pak ditë më parë, qeveria miratoi Aktin Normativ të Buxhetit 2024, ku ndër të tjera është vendosur që "gardhet policore" të rriten edhe me 500 efektivë të tjerë.

I duhen Shqipërisë, rendit dhe sigurisë këta 500 policë shtesë apo i duhen thjesht qeverisë për tu mbrojtur nga zemërimi popullor?

Si mund të ndodhë që ndërkohë që popullata ulet si pasojë e shpopullimit, nga ana tjetër rriten numrat në rradhët e trupave policore?

Pse taksapaguesit duhet të paguajnë 5 milionë euro cdo vit për rrogat e këtyre efektivëve shtesë realisht të panevojshëm, ndërkohë që me këto para mund të ndërtonim cdo vit disa qendra shëndetësore apo kopshte e cerdhe?

Fakt: Në 11 vite cdo vendim i mazhorancës qeverisëse nuk është ndërmarrë për ti ardhur në ndihmë qytetarëve, zhvillimit, ekonomisë dhe aktorëve të tregut, por vetëm si e si të cimentojnë rrënjët e kalbura të keqqeverisjes.

Zgjidhja sot është një dhe vetëm një, zgjedhje të lira e të ndershme të organizuara nga një qeveri teknike”, shkruan Teliti në një postim në rrjetet sociale./ CNA





Lajmet e fundit nga