web counter
LEXO PA REKLAMA!

SHKARKO APP

App Store
Google Play

E fundit!

x

Berisha, thirrje qytetarëve/ “Të përballemi me diktaturën, Rama kërkon të grabisë mandatin e 4-t”

3 Shtator 2024, 21:07, Politikë CNA
Berisha, thirrje qytetarëve/ “Të përballemi me
Kryetari i Partisë Demokratike, Sali Berisha

Kryetari i Partisë Demokratike, Sali Berisha, bëri një thirrje për qytetarët nga ballkoni i shtëpisë së tij, teksa mbajti një fjalim në protestën e përnatshme të mbështetësve të tij.

Berisha tha se qytetarët duhet të dalin në shesh dhe të përballen me qeverinë e Edi Ramës, për të cilën pretendoi se po bën diktaturë.

Ai kërkoi që qytetarët të protestojnë dfhe të ndalojnë Ramën që të marrë mandatin e katërt.

“Të dashur miq, ndër të gjithë betejat që ne kemi bërë, në të gjitha përpjekjet tona 32 vjeçare, përpjekja e të gjitha përpjekjeve është: rikthimi i votës së lirë shqiptarëve. Përmbysja e diktaturës së bandave, krimit dhe vjedhjes së shqiptarëve.

Kjo betejë, është betejë pra, për lirinë dhe thelbin e saj. Është betejë për Shqipërinë dhe dinjitetin e saj. Është betejë për çdo shqiptar dhe dinjitetin e tij. Është betejë për vokacionin perëndimor të kombit tonë. Është betejë për fuqinë e shqiptarëve, për shpresën e shqiptarëve, për të ardhmen e shqiptarëve.

‘Rama kërkon të grabisë mandatin e 4-t’/ Berisha: Të dalim të përballemi me diktaturën se jemi 100 herë më të fortë se ata

Ndaj dhe, iu bëj thirrje qytetarëve shqiptarë, iu bëj thirrje qytetarëve të Tiranës, të dalim nga apatia, të dalim në shesh të Mejdanit, të dalim të përballemi me diktaturën, se ne jemi jo 1, po 10, po 100 herë më të fortë se ata.

Ndaj miqtë e mi, edhe njëherë ju falënderoj me mirënjohjen më të thellë dhe ju ftoj të vazhdojmë betejën kundër kësaj diktature, e cila po bën gjithçka dhe në masa ekstreme kërkon të braktisë mandatin e 4-t. Kurrë më!

O sot, o kurrë! Të gjithë në këmbë!

Rrofshi ju, rroftë Shqipëria!”, nënvizoi kreu i PD-së./ CNA





Lajmet e fundit nga