Thirret mbledhja e Kryesisë dhe Këshillit Kombëtar të PD-së/ Zbulohen datat dhe detajet

3 Shtator 2024, 13:14, Politikë CNA

Thirret mbledhja e Kryesisë dhe Këshillit Kombëtar të

Partia Demokratike pritet të mbledhë Kryesinë dhe Këshilli Kombëtar brenda javës. Çështje të rëndësishme do të diskutohen gjatë mbledhjes së Kryesisë, ku një ndër to është edhe për drejtuesit politik të PD-së në 12 qarqet e vendit.

Mbledhja e Kryesisë së PD-së është thirrur pasditen e së mërkurës më 4 shtator. Takimi do të zhvillohet rreth orës 18:00. Ndërsa Këshilli Kombëtar do të mblidhet ditën e premte në datën 6 shtator.

Një tjetër fokus do të jenë edhe protestat, ku do të përcaktohet se si do të vazhdojë aksioni opozitar.

CNA më herët ka raportuar se PD është në mbyllje të listës së plotë të të deleguarve të cilët do të drejtojnë qarqet e kësaj force politike deri në vitin 2025.

Në Vlorë do të jetë Bujar Leskaj ai që do të drejtojë, por edhe që do të kryesojë listën e deputetëve të këtij qarku.

Në Fier diskutohet emri i Gazment Bardhit, nënkryetarit të PD-së, por ende është në pikpyetje nëse do të jetë ai që do drejtojë politikisht këtë qark, apo nëse do të kryesojë dhe listën, raporton CNA.

Në Durrës pritet të drejtojë nënkryetari tjetër i PD-së, Oert Bylykbashi.

Në Lezhë pritet të konfirmohet si drejtues politik Agron Gjekmarkaj.

Ndërkohë Shkodra është ajo që përbën risi në këto lëvizje, për shkak të debateve dhe konflikteve të brendshme politike, është përzgjedhur z. Luçiano Boçi nënkryetar i kësaj force politike, i cili nuk do të jetë në Elbasan, por do të drejtoj qarkun e Shkodrës.

Gjithashtu CNA ka mësuar se në Berat do të jetë Eno Bozdo. Në Korçë pritet që Ivi Kaso të marrë drejtimin politik të këtij qarku.

Ervin Salijani pritet të marrë drejtimin politik të qarkut të Elbasanit.

Në Kukës pritet që të jetë drejtues qarku Flamur Hoxha, ndërsa në Dibër diskutohet Xhelal Mziu. Ndërkohë në Gjirokastër pritet që drejtues qarku të jetë Tritan Shehu.

Shumë nga emrat e njohur të tjerë të PD-së pritet të drejtojnë në qarkun e Tiranës, siç është Flamur Noka, Tomorr Alizoti, Belind Këlliçi dhe shumë të tjerë./ CNA