web counter
LEXO PA REKLAMA!

SHKARKO APP

App Store
Google Play

Nis sesioni i ri parlamentar/ Elisa e inceneratorëve harron postin

2 Shtator 2024, 17:18, Politikë CNA

Nis sesioni i ri parlamentar/ Elisa e inceneratorëve harron postin

Pasditen e kësaj të hëne ka nisur punimet sesioni i ri parlamentar.

Ky sesion i shtatë i legjislaturës së dhjetë të Kuvendit u hap nga kryeparlamentarja Elisa Spiropali.

Spiropali, e njohur si Elisa e inceneratorëve ka harruar postin e saj si kryeparlamentare dhe në fjalën hapëse i është “përveshur” opozitës.

“Vendi im është mes të barabartëve me njëri-tjetrin, por kaq të ndryshëm. Në ballafaqimin e ardhshëm elektoral, secili nga ne do të shkojë me bilancet e veta politike. E pamundur të ndryshojmë të shkuarën tonë të përbashkët në këtë sallë. Pendesa për veprime dhe gjykime të gabuara vlen vetëm për të gjetur forcë për të korrigjuar çfarë mund të bëjmë ndryshe. Reflektimi duhet të jetë i përbashkët mes nesh, një reflektim që përfshin edhe qortimin e së shkuarës, edhe projeksionet për të ardhmen. T’i mbrojmë deri në fund pikëpamjet dhe qëndrimet tona, por me etikë parlamentare, duke respektuar institucionin e Kuvendit të Shqipërisë dhe qytetarët që na kanë votuar e na ndjekin.

Shpesh jemi sjellë si shkak dhe pasojë e njëri-tjetrit, ku mungesa juaj e kontrollit ka sjellë vjeljen e tolerancës tonë. Por rast pas rasti, të dyja bashkë kanë shkaktuar cenim të cilësisë së parlamentit. Besoj fortë se një qasje tjetër në ballafaqimin tonë, duke nisur në ndryshimin e asaj të marrëdhënies, marrëveshjes dhe kompromisit, do të kishte sjelle një vlerë krejt tjetër.

Shumë më mirë, vonë  sesa kurrë, ne do të detyrohemi të ecim. Optimizmi i sesionit të ri, do të më detyronte të thosha po do të ndodhë, por në të vërtet nuk do të ndryshojë. Rishtazi do bëhemi dëshmitarë dhe dëshmorë të mendësisë së vjetër”, theksoi Spiropali ndër të tjera./ CNA





Lajmet e fundit nga