web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Propaganda e narko-regjimit të Ramës, arma më çnjerëzore kundër lirive, dinjitetit dhe shpresës së shqiptarëve

31 Gusht 2024, 20:35, Politikë CNA
Berisha: Propaganda e narko-regjimit të Ramës, arma më
Sali Berisha, kryetar i PD-së

Kryetari i PD-së, Sali Berisha në daljen e tij të radhës para mbështetësve të tij në “Rrugën e shpresës” ka akuzuzuar kryeministrin Edi Rama se propagandën e tij mashtruese mediatike e ka kthyer atë në armën më çnjerëzore kundër qytetarëve shqiptarë, kundër lirive, dinjitetit, shpresës së tyre.

Sipas Berishës kjo propagandë ushqehet ditë e natë me taksat e shqiptarëve

"Kjo propagandë e cila ushqehet ditë e natë me paratë e taksave tuaja, dhe që shpallet private, po në fakt është gjer në palcë shtetërore kundër jush punon nga mëngjesi në darkë vetëm e vetëm për të përpunuar mendjet tuaja, mendjet e qytetarëve, për t’i manipuluar ato, për t’i mashtruar ato.

Kjo propagandë arrin në veprime jashtë imagjinate të paraqesë krimin sukses, të paraqesë shndërrimin e votës në krim dhe krimin në votë si fitore, të paraqesë grabitjen e votës si aftësi dhe zotësi të Edi Ramës, të paraqesë mashtrimet e tij dhe qeverisë së tij ndaj qytetarëve si të vërteta për shqiptarët.

Në këtë kontekst, në këtë kuadër, roli i secilit prej jush, roli i çdo demokrati dhe demokrateje është jetik dhe vendimtar për të ndriçuar mendjet dhe zemrat e shqiptarëve për të mbrojtur qytetarët nga një agresion mediatik, të cilin e kanë njohur vetëm në diktaturë."  u shpreh Berisha





Lajmet e fundit nga