web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj: Do bëjmë parti për inat të Berishës

31 Gusht 2024, 17:20, Politikë CNA
Alibeaj: Do bëjmë parti për inat të Berishës
Enkelejd Alibeaj, Deputet

Një tjetër parti politike po i shtohet listës së gjatë të subjekteve politike të regjistruara në Shqipëri e që me afrimin e zgjedhjeve të përgjihshme, presim të përfitojnë edhe ata diçka nga pushteti. Një prej tyre është dhe deputeti Enkelejd Alibeaj.

I mbetur pa parti dhe pa asnjë funksion, i cili mund ta mbante në treg si politikan, dhe pasi u përdor e keqpërdor nga ish kryetari i PD-së, Lulzim Basha si lolo sa herë që i duhej, në fund ka vendosur të bëhet me parti.

Enkelejd Alibeaj ka deklaruar në media se partia e re politike ku ai do të jetë pjesë, do të jetë një formacion, siç e quan ai kundër ortakërisë, Rama-Berisha. Por në fakt, Alibeaj së bashku me disa politikanë të tjerë të mërzitur, po bën parti kundër PD, kundër liderit të saj, Sali Berisha.

Alibeaj me partinë e re po përpiqet t’i heq sa të mundet vota PD në zgjedhjet e ardhshme. Alibeaj është munduar të shfaqet në public si një politikan opozitar me qëndrime parimore, duke u shprehur kundër Edi Ramës e Erion Veliajt.

Por e vërteta është se Bashkia e Tiranës e ka mbështetësin e saj më të madh, i cili pregatit dhe skenarët kundra opozitës dhe PD-së. Partia e deputetit, Enkelejd Alibeaj është partia e Erion Veliajt, e cila është kundra Partisë Demokratrike. /CNA





Lajmet e fundit nga