web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI: Frida Krifca dhe bashkëjetuesi ‘lundrojnë’ në pasuri, si përfituan nga fondet publike

31 Gusht 2024, 12:19, Politikë CNA
DENONCIMI: Frida Krifca dhe bashkëjetuesi ‘lundrojnë’
Frida Krifca

Në një deklaratë nga selia blu zëdhënësja anti-Korrupsion në PD, Genta Vangjeli denoncoi se ish-ministrja Frida Krifca dhe bashkëjetuesi i saj ‘lundrojnë’ në pasuri.

Sipas Vangjelit, Krifca dhe bashkëjetuesi kanë shtuar pasuritë e tyre gjatë kohës që karriera e ish-ministres lulëzonte.

Vangjeli renditi pasuritë që sipas Krifca ka siguruar vitet e fundit. 

Deklarata e plotë:

Ish-ministrja e Bujqësisë, Frida Krifca dhe ish-drejtoresha e AZHBR pas publikimit të skandalit me shpërdorimin e fondeve të BE, nën mbrojtjen e Edi Ramës nuk lihet jashtë rradhëve të administratës shtetërore dhe as nuk dorëzohet para drejtësisë.

Krifca dhe bashkëjetuesi kanë shtuar pasuritë e tyre gjatë kohës që karriera e znj.Krifca lulëzonte.

DENONCIMI: Frida Krifca dhe bashkëjetuesi ‘lundrojnë’

Kështu bashkëjetuesi deklaron pranë ILDKPI në 2020 tokë të shtuar arë 3 mijë m2 kundrejt vlerës 10 euro m2, ose total vlera 30 mijë euro, vendndodhja Farkë.

DENONCIMI: Frida Krifca dhe bashkëjetuesi ‘lundrojnë’

Fitim neto si subjekt tregtar 7.5 milion lekë ndërkohë që nga data e regjistrimit të këtij biznesi privat v.2019 deri tani nuk ekziston asnjë pasqyrë financiare e publikuar pranë QKB.

DENONCIMI: Frida Krifca dhe bashkëjetuesi ‘lundrojnë’

Biznesi tjetër aktiv i rregjistruar në v.2020 me pronar bashkëjetuesin e znj.Krifca, Lucom Projects shpk që ka të përfshirë në objektin e veprimtarisë edhe aktivitet tregtar të lidhur drejtpërdrejt me bujqësinë ndërkohë që bashkëjetuesja Krifca mbante detyrën zyrtare të Drejtorit të Përgjithshëm të AZHBR-së.

Lucom Projects shpk rezulton përfitues i fondeve publike konkretisht:

DENONCIMI: Frida Krifca dhe bashkëjetuesi ‘lundrojnë’

Sipas spending data, Bashkia Tiranë ka paguar këtë subjekt kundrejt vlerës totale 11 milion lek për vetëm 2 projekte kulturore “moving city Tirana 2022 dhe 2023”.

Përveç abuzimit me fondet e IPARD, SPAK të hetojë pasuritë e ish-ministres duke vlerësuar shkeljen e ligjit për konfliktin e interesit dhe përfitimin e fondeve publike edhe gjatë kohës së ushtrimit të detyrës shtetërore si ministër i Bujqësisë./CNA 





Lajmet e fundit nga