Plehrat mbytin qytetin bregdetar/ Këlliçi: Inceneratori inekzistent djeg dhe buxhetin e bashkisë Durrës

30 Gusht 2024, 19:29, Politikë CNA

Plehrat mbytin qytetin bregdetar/ Këlliçi: Inceneratori inekzistent

Plehrat në lagjen numer 1 ne Durres

Drejtuesi politik i PD-së për Tiranën, Belind Këlliçi, pasi ka publikuar ditë pas dite se si Tirana është pushtuar nga plehrat, këtë herë sjell pamje nga Durrësi, se si qyteti bregdetar është mbuluar nga plehrat.

Situata në lagjen numër 1 në Durrës duket shqetësuese me kazanët e plehrave të tejmbushur dhe të tjera mbeturina në tokë.

Këlliçi u ka kujtuar banorëve të Durrësit si inceneratori inekzistent i Tiranës djeg dhe buxhetin e Bashkisë së Durrësit.

Anëtari i Kryesisë shkruan se Durrësi çon plot 63% të buxhetit total për mbetjet.

Këlliçi thekson se vendimi për ta detyruar qytetin e Durrësit, që të depozitonte plehrat në Sharrë është shoqëruar me dyshime të mëdha për korrupsion, pasi ky ishte një vendim që rriti biznesin e bandës së inceneratorëve, i hapi rruën aferës së Porto Romanos dhe u vodhi qytetarëve të Durrësit 4.5 milionë euro çdo vit.

Në fund, drejtuesi politik i PD-së për Tiranën u kujton qytetarëve se pronari faktik i inceneratorit Tiranë dhe këtij biznesi të pashembullt hajdutërie është Erion Veliaj.

“Live nga qyteti i Durrësit!

Kjo është situata në Lagjen 1 në Durrës, përballë Muzeut Arkeologjik, aty ku çdo ditë kalojnë me mijëra turistë!

Mos harroni se Inceneratori inekzistent i Tiranës, ‘djeg’ edhe buxhetin e Bashkisë Durrës!!!

Durrësi çon plot 63% të buxhetit total për mbetjet!

Bashkia Durrës përbën një rast unik se si mbi gjysmën e të ardhurave që ajo mbledh vetë e shpenzon vetëm për një zë, për mbrojtjen e mjedisit (kryesisht pastrimi mbeturinave).

Vendimi për ta detyruar qytetin e Durrësit, që të depozitonte plehrat në Sharrë është shoqëruar me dyshime të mëdha për korrupsion që në momentet e para, pasi ky ishte një vendim që rriti biznesin e bandës së inceneratorëve, i hapi rruën aferës së Porto Romanos dhe u vodhi qytetarëve të Durrësit 4.5 milionë euro çdo vit.

Kujtesë për këdo që harron: Pronar faktik i inceneratorit Tiranë dhe këtij biznesi të pashembullt hajdutërie është Erion Veliaj!”, shkruan Këlliçi./ CNA