web counter
LEXO PA REKLAMA!

SHKARKO APP

App Store
Google Play

Mandati i Xhaçkës/ Deputetja e PD-së: PS nuk ka më asnjë argument

29 Gusht 2024, 21:44, Politikë CNA

Mandati i Xhaçkës/ Deputetja e PD-së: PS nuk ka më

Deputetja e PD-së Dhurata Çupi ka deklaruar se PS nuk do të mund të mbrojë më ish-ministren Olta Xhaçka pasi Kuvendi votoi për të shqyrtuar mandatin e saj në 12 shtator. Sipas deputetes PS tashmë nuk ka më asnjë argument mbrojtës ndaj deputetes.

“Kuvendi votoi pro për të shqyrtuar mandatin e Xhaçkës në seancën e 12 shtatorit. Në një vend demokratik, nuk mund të zhbëhen vendimet e Kushtetueses. PS nuk ka më asnjë argument mbrojtës ndaj Xhaçkës. Ne në mënyrë të vazhdueshme kemi denoncuar korrupsionin dhe arrogancën e qeverisë. Maxhoranca në tërësi mbulon të keqen me një të keqe më të madhe”, tha Çupi.

Më tej ka folur dhe për deputetin Vullnet Sinaj duke thënë se ka përfituar miliona nga buxheti publik.

“Edhe Vullnet Sinaj ka përfituar miliona nga buxheti publik. Është i paimagjinueshëm shpërdorimi i detyrës nga deputetët e PS. Ka raporte të Transparency International se Vullnet Sinaj ka ndikuar për të kaluar disa ligje. E kemi çuar Xhaçkën në Gjykatën Kushtetuese 2 herë. Ne nuk mund të heshtim ndaj gjërave që nuk shkojnë, që janë në kundërshtim me Kushtetutën e vendit. Sa i përket SPAK, ne mendojmë se ka gabuar me z Sali Berisha, duke goditur liderin e opozitës, por ne mbështesim punën e drejtësisë, pasi 26 kryetarë bashkie janë nën hetim”, tha deputetja Çupi./ CNA





Lajmet e fundit nga