web counter
LEXO PA REKLAMA!

SHKARKO APP

App Store
Google Play

E fundit!

x

FOTO/ Përfundon protesta para Bashkisë Tiranë, paralajmërimi për Veliajn

29 Gusht 2024, 12:27, Politikë CNA
FOTO/ Përfundon protesta para Bashkisë Tiranë, paralajmërimi
Protesta para Bashkisë Tiranë

Sot u zhvillua para Bashkisë së Tiranës protesta e 23-të, ku qytetarët e revoltuar kërkuan dorëheqjen e Erion Veliajt dhe vendosjen e tij para drejtësisë për aferat korruptive që kanë ndodhur në këtë institucion. 

Qytetarët e quajtën Veliajn një kryehajdut që duhet të japë llogari në SPAK për aferën korruptive të inceneratorëve dhe dosjen "5D". 

Protesta e sotme zgjati 45 minuta dhe ishte e qetë. Forca të shumta policie kishin rrethuar godinën e bashkisë. 

Në fjalën e tij, Belind Këlliçi, drejtuesi politik i PD-së për Tiranën, u shpreh se në këtë institucion fshihet një hajdut që është Erion Veliaj. 

Ai denoncoi se sot lagjet e Tiranës janë të tejmbushura me plehra, ndërkohë që Bashkia e Tiranës paguan 24 milionë euro në vit për pastrimin e qytetit. 

Këlliçi tha se kjo protestë do të vijojë sërish të enjten që vjen kundër hajdutit Erion Veliaj. 

Ai paralajmëroi kryebashkiakun se i ka ditët e numëruara dhe do të përballet me drejtësinë. 

Erion Veliaj u mor në pyetje nga SPAK-u për aferën e inceneratorëve, ndërsa gjykata lëshoi disa javë më parë masa të tjera sigurie. 

Ndërkohë, hetimet për inceneratorët vazhdojnë, ka shkuar në SPAK grupi i parë, janë edhe dy grupe të tjera. Fillimisht u akuzuan për korrupsion, por tashmë mbi personat e përfshirë rëndon edhe akuza e grupit të strukturuar kriminal për një aferë rreth 130 milionë euro, për një incenerator që nuk ekziston.

Në protestat e fundit nuk kanë munguar tensionet, përplasjet me policinë, pasi protestuesit kanë tentuar të futen brenda godinës së bashkisë./CNA 





Lajmet e fundit nga