web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Në godinën e bashkisë fshihet hajduti Veliaj, Tirana është mbuluar nga plehrat

29 Gusht 2024, 11:47, Politikë CNA

Këlliçi: Në godinën e bashkisë fshihet hajduti

Belind Këlliçi, drejtuesi politik i PD-së për Tiranën, u shpreh në protestën para Bashkisë së Tiranës se në këtë institucion fshihet një hajdut që është Erion Veliaj. 

Ai denoncoi se sot lagjet e Tiranës janë të tejmbushura me plehra, ndërkohë që Bashkia e Tiranës paguan 24 milionë euro në vit për pastrimin e qytetit. 

"Jemi para selisë së grupit të strukturar kiminal. Nuk ka shqiptar që nuk e di që në këtë godinë fshihet një hajdut. Në të katër anët e Tiranës, lagjet janë të tejmbushura me plehra. Bashkia e Tiranës paguan 24 milionë euro për pastrimin e qytetit. Shohim pyllin orbital të Veliajt, 1 mijë pemët me kronikat e gatshme. Të gjitha njësitë adiministrative të Tiranës janë të tejmbushura me plehra. Qëndron padrejtësisht në krye të bashkisë se nuk ka drejtësi. Altin Dumani u shpreh se kemi edhe krime intelektuale. Si mund të quash krim intelektual firmën e kryeministrit për çështjen e inceneratorëve? Si mund të quhet krim intelektual që për herë të katërt Veliaj i kërkonte Ministrisë së Financave financimin e këtij projekti?", u shpreh Këlliçi.

Këlliçi tha se kjo protestë do të vijojë sërish të enjten që vjen kundër hajdutit Erion Veliaj. 

"Po tentohet që ta censurojnë këtë protestë, nuk do të ndalemi. Erion Veliaj, ditët i ke të numëruara, do të shkosh para drejtësisë". /CNA 

 

 

 





Lajmet e fundit nga