E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Radhë kilometrike në Kukës/ Elezi rendit shkaqet e mundshme: Skandal e papërgjegjshmëri!

27 Gusht 2024, 12:03, Politikë CNA

Radhë kilometrike në Kukës/ Elezi rendit shkaqet e mundshme:

Ish-kreu i degës së PD-së së Kukësit, Ibsen Elezi, ka ngritur shqetësimin për situatën e trafikut dhe radhët kilometrike në hyrje të këtij qyteti.

Trafiku krijohet për shkak të devijimit që bëhet tek Ura e Drinit të Zi.

Elezi shprehet në një postim në rrjetet sociale që pavarësisht se ura është testuar në muajin qershor, vijon të jetë e mbyllur.

Sipas tij, qarkullojnë tri teza për moshapjen e kësaj ure, që janë problemet teknike, mungesa e kohës nga kryeministri Edi Rama që të shkojë për ta inaguruar dhe për shkak se nuk është gjetur një zgjidhje për banorët e lagjes Drinas.

Këta të fundit u ngritën në protestë një muaj më parë, për mungesën e nën dhe mbikalimeve në “Rrugën e Kombit”. Ata kanë bërë apel për zgjidhjen e këtij problemi pasi janë tashmë të izoluar pa hyrje dalje.

Referuar këtyre tezave, Elezi thotë se nëse ka probleme teknike është skandal dhe papërgjegjshmëri. Ai shton se banorët e Drinasit janë në të drejtën e tyre, me argumentin se është e papranueshme mosplanifikimi i një rruge dytësore për një vepër që ka kushtuar 35 milionë euro.

Më tej Elezi nuk e kursen as një ironi, ku shkruan se PS ndryshe nga kryebashkiaku Erion Veliaj premtoi se do të vjedhë duke punuar.

Reagimi i plotë:

Perballja me rradhet kilometrike gjate gjithe kësaj periudhe verore ka qene pothuaj e perditshme. Ura e re edhe pse e testuar qe ne 25.06.2024, vazhdon te jete e mbyllur prej me shume se 2 muajsh.

Sipas thashethemeve, pasi akoma nuk ka nje prononcim publik nga institucionet përgjegjëse, thuhen 3 variante :
1. Ka probleme teknike.
2. Kryeministri s'ka patur kohe per inaugurimin e saj.
3. Per shkak se nuk eshte gjetur nje zgjidhje per banoret e lagjes Drinas.
- Ne rastin e pare, eshte papërgjegjshmëri dhe skandal nese do ishte i vertete.
- Ne rastin e dyte, eshte e justifikueshme pasi axhenda e kryeministrit ka qene "full" dhe kjo eshte lehtesisht e verifikueshme ne media.
- Ne lidhje me banoret e lagjes Drinas, eshte nje e drejte e tyre qofte edhe per nje familje te gjendet zgjidhja, por te mbash bllokuar nje ure qe ka kushtuar 35 mil euro per nje mos planifikim rruge dytësore 500m, eshte po aq skandaloze sa mospasja ne piken e trafikut te periudhës verore.
PS: njeri nga premtimet thelbesore te rilindjes ishte se do vjedhin duke punuar, përveç Lali Erit qe vazhdon te jete korrekt me premtimin, hallkat tjera te qeverisje e kane çbalancuar duke shtuar ne progresion rrites te paren dhe ulur te dyten./CNA