web counter
LEXO PA REKLAMA!

SHKARKO APP

App Store
Google Play

E fundit!

x

Rama u lë disa porosi ambasadorëve: Më shumë vëmendje për shqiptarët jashtë atdheut

26 Gusht 2024, 10:36, Politikë CNA
Rama u lë disa porosi ambasadorëve: Më shumë vëmendje
Edi Rama

Kryeministri Edi Rama në Konferencën e Ambasadorëve “Tirana Diplo 2024” u la detyra ambasadorëve që përfaqësojnë Shqipërinë në vende të ndryshme të botës. 

Detyra e parë është që duhet rritur kujdesi ndaj shqiptarëve jashtë atdheut.

“Vullneti dhe angazhimi i plotë për të rritur kujdesin për shqiptarët jashtë atdheut. Ka shumë për të bërë, por shumë gjëra kanë ndryshuar në aspektin e shërbimeve konsullore dhe përforcimin e aleancave strategjike e miqësive tradicionale. E kur aleancat dhe miqësitë e Shqipërisë janë të qarta dhe të pandryshueshme e rëndësishme është të forcohet profili i Shqipërisë si partner i besueshëm", u shpreh Rama.

Më tej kreu i qeverisë u shpreh se ne jemi një vend i vogël dhe duhet të ruajmë modestinë për të kuptuar në vijimësi domosdoshmërinë jetike për t'u rritur e fuqizuar si shtet e si komb.

"Aleancat tona janë të qarta si drita e diellit. Miqësitë janë të njohura. Së treti jemi profilizuar dhe do të vijojmë të forcojmë profilin e parterëve të padyshimtë dhe miqve të palëkundur e natyrisht duke qenë në këtë pjesë të Europës që ka një trashëgimi jo të lehtë lëmshi të marrëdhënieve, historive e interesave nuk është e lehtë. Fjala vjen. Ne jemi miq tradicionalë të Turqisë e Greqisë. Për ne këto janë dy miqësi shumë të rëndësishme, por në të njëjtën kohë për ne është e shkruar e zeza mbi të bardhë, qysh në krye të herës dhe është bërë pjesë e rendit të ditës së politikës sonë të jashtme, qoftë Turqia, Greqia e Italia janë partnerët tanë strategjikë. Ne jemi vend i vogël e vetëdija e përmasës është shumë e rëndësishme për të ruajtur modestinë, por dhe për të kuptuar në vijimësi domosdoshmërinë jetike për t'u rritur e fuqizuar si shtet e si komb", u shpreh ai. 

Sipas tij është shumë e rëndësishme të ruhemi nga humbja e sensit të përmasës sonë që në të shkuarën ka shkuar në eksese të padëshirueshme të shoqëruara me daullet e nacionalizmit folklorik dhe i ka kushtuar Shqipërisë në marrëdhëniet ndërkombëtare. 

"Nga ana tjetër të ruhemi nga kompleksi i inferioritetit pasi nuk kemi asnjë arsye, as për të parën e as për të dytën. Të dyja kanë qenë ngjyra që në mënyrë të vazhdueshme kanë përcaktuar dhe dëmtuar politikën tonë të jashtme. Për t'u rritur e fuqizuar e për të vazhduar të ushqejmë respekt, prestigjin tonë duhet të flasim me qartësi e respekt me aleatët e miqtë tanë, por të pretendojmë të njëjtën qartësi dhe respekt nga aleatët e miqtë tanë. Kjo është shumë e rëndësishme e kjo na ka ndihmuar që sot të jemi në një pozicion tjetër, që në tërësi kur flitet për Shqipërinë nuk flitet për një vend në hije apo me hije. Kur Shqipëria përmendet në korridoret, zyrat apo auditoret e politikës ndërkombëtare ka tjetër tingull emri i saj", tha ai./CNA 





Lajmet e fundit nga