web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Plehrat "pushtojnë" rrugët në Laprakë, Këlliçi: Pronari faktik i inceneratorit ka një muaj pa i pastruar

26 Gusht 2024, 09:59, Politikë CNA
VIDEO/ Plehrat "pushtojnë" rrugët në Laprakë,
Mbetjet në rrugët e Laprakës

Çështja e plehrave është një problem shqetësues për qytetarët e Tiranës. Drejtuesi Politik i PD-së për Tiranën, Belind Këlliçi, ka publikuar sot një video ku tregohet situata me mbetjet në rrugën ‘Allaman Dervishi’, pranë kompleksit ‘Malajzian’ në Laprakë Njësia 11. 

Në reagimin e tij, Këlliçi nënvizon se plehrat dhe kazanët e kësaj zone, kanë mbi 1 muaj pa u pastruar nga Bashkia e Tiranës. 

Ai hedh akuza ndaj kryebashkiakut Erion Veliaj dhe thekson se plehrat kanë përmbytur Tiranën prej kohësh, ndërkohë që qytetarët vijojnë të paguajmë 80.000 euro në ditë për një incenerator që nuk ekziston. 

Këlliçi u bën thirrje qytetarëve që të marrin pjesë në protestën e radhës që do të zhvillohet para Bashkisë së Tiranës më 29 gusht, ora 11:00. 

Reagimi i plotë: 

E hëna e sotme shënon një tjetër rekord të ‘Kryeqytetit Europian të Pastërtisë’.
Banorët në rrugën ‘Allaman Dervishi’, pranë kompleksit ‘Malajzian’ në Laprakë Njësia 11, informojnë se plehrat dhe kazanët e kësaj zone, kanë mbi 1 muaj pa u pastruar.
Pronari faktik i inceneratorit Tiranë dhe kreu i "5D", raportohet të ketë vizituar zonën disa herë, ka ‘mbjellë’ disa herë pemë, ka prodhuar dhjetra kaseta me kronika të gatshme për mediat, janë pasqyruar disa kronika të suksesshme nga parcela e Pyllit Orbital në Laprakë, por realiteti sigurisht është ndryshe!
Plehrat kanë përmbytur Tiranën prej kohësh. Ndërkohë vijojmë të paguajmë 80.000 euro në ditë për një incenerator që nuk ekziston!
SPAK-u sigurisht nuk merret dot me këtë krim intelektual, sepse do shumë mend të zbulohet!
Mos harroni, si gjithmonë fajin e ka opozita!
Javë të mbarë të dashur miq, e sërish shihemi në protestë, të enjten, datë 29 gusht, ora 11:00, para selisë së "5D"./CNA 





Lajmet e fundit nga