web counter
LEXO PA REKLAMA!

SHKARKO APP

App Store
Google Play

E fundit!

x

Teliti: Importimi i mbetjeve, vizion i mbrapshtë qeveritar

24 Gusht 2024, 18:53, Politikë CNA
Teliti: Importimi i mbetjeve, vizion i mbrapshtë qeveritar
Dorian Teliti, keshilltar i PD

Emigracioni I shqiptarëve dhe importimi i mbetjeve toksike, ishin dy nga shqetësimet që këshilltari për çështjet ekonomike në PD, Dorjan Teliti shprehet në një postim në rrjetin social FB

Teliti shkruan se janë mbi 1 milion shqiptarë që kanë braktisur vendin në vitet e fundit, duke kërkuar një zgjidhje për rikthimin e tyre.

Sipas Telitit, iniciativa e fundit për importimin e mbetjeve, që është në shqyrtim publik, thekson një vizion të gabuar qeveritar, duke hapur mundësinë për trafikim të mbetjeve të rrezikshme dhe duke thelluar problemet e pasigurisë dhe korrupsionit në vend.

Ai u shpreh se kërkon ndryshim të menjëhershëm për të ndaluar këtë trend dhe për të krijuar kushte më të mira për qytetarët.

Postimi i plotë:

SHQIPËRIA E RILINDJES: EKSPORTON SHQIPTARË, IMPORTON PLEHRA!

1 milionë shqiptarë janë larguar nga vendi këto vitet e fundit, ndaj nevojitet sa më shpejt të implementohen skema se si e si të rikthejmë shqiptarët në atdhe, por jo, përkundrazi, shkojnë e ndërmarrin iniciativa ligjore “të porositura” që asnjë të mirë nuk sjellin, madje hapin rrugën për trafikim ndërkombëtar ilegal mbetjesh të rrezikshme për jetën e njeriut.

Hedhja për konsultim publik i ligjit për të lejuar importimin e mbetjeve, tregon edhe njëherë vizionin e mbrapshtë qeveritar për të kryer “punët e porositësve” dhe jo punët për zgjedhësit, të cilët duan thjesht një Shqipëri të jetueshme e jo të jetojnë si në një vend të botës së tretë me pasiguri të lartë dhe korrupsion të kudogjendur.

Ndaj duhet ndryshimi, pasi vetëm me ndryshimin vjen edhe shpresa se ky vend mund të bëhet, #osotokurrë! /CNA

 





Lajmet e fundit nga