web counter
LEXO PA REKLAMA!

SHKARKO APP

App Store
Google Play

E fundit!

x

27 gushti kthen në punë deputetët! Të martën mblidhet Këshilli i Legjislacionit për çështjen e Olta Xhaçkës

24 Gusht 2024, 20:20, Politikë CNA

27 gushti kthen në punë deputetët! Të martën mblidhet

Javën e ardhshme deputetët pritet të kthehen në punë, edhe pse sesioni i ri parlamentar nuk ka filluar. Shkak është bërë mbledhja e Këshillit të Legjislacionit, i cili do të zhvillojë  një seancë më 27 gusht, pas vendimit të Kryetares së Kuvendit  për të shqyrtuar vendimin e Gjykatës Kushtetuese për deputeten socialiste Olta Xhaçka.

Opozita kërkoi mbajtjen e një seance të jashtëzakonshme të kuvendit për këtë cështje, por Kryetarja e Kuvendit Elisa Spiropali saktësoi se nuk do të thërriste një seancë plenare pa pasur më parë një raport të Këshillit të Legjislacionit për çështjen Xhaçka.

Me apo pa seancë të jashtëzakonshme, mandati i Olta Xhaçkës parashikohet të hapë debatin në sesionin e ri parlamentar qe nis më 2 shtator.

Çështja e mandatit të deputetes socialiste vijon prej gati dy vitesh të endet mes parlamentit dhe Gjykatës Kushtetuese. Pikëpyetjet mbi mandatin e Olta Xhaçkes lindën pasi kompania e bashkëshortit të saj, mori statusin e investitorit strategjik për një hotel turistik, gjë e cila sipas opozitës përbën konflikt interesi./ CNA





Lajmet e fundit nga