E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Lul kopjaci vazhdon estradën

24 Gusht 2024, 21:52, Politikë CNA

Lulzim Basha

I vetëshpallur si një demokrat “euroatlantik”, dhe pas një letargjie të gjatë gjumi për tetë vjet në pushtet dhe tetë vjet në opozitë, Lulzim Basha i drejtohet sot qytetarëve me një pathos të munguar prej vitesh, me premtimin se do t’u garatojnë shëndetin, jetën dhe sigurinë.

Kjo pasi nuk mundi t’ua garantonte kur ishte Ministër i Brendshëm, Luli u premton sot qytetarë, t’ua sjellë, sigurinë me themelimin e Xhandarmërisë, të cilën e sjell si një propozim të tijin ekskluziv, nëpërmjet një video të postuar së fundmi në Facebook.

Por demokrati “Euroatlantik” me sa duket ka një problem me kujtesën, pasi harron se propozime të tilla janë bërë kohë më parë nga ish kryeministri Sali Berisha.

"Do të themelojmë Xhandarmërinë Kombëtare me një efektivë prej 1000 forcash elitare, të pajisura me flotën e tyre tokësore, ajrore dhe detare për të kontrolluar territorin e Republikës së Shqipërisë dhe për të garantuar jetën dhe shëndetin e qytetarëve, për të luftuar krimin, për të mbështetur rendin publik dhe për të ndihmuar Forcat e Armatosura si dhe Emergjencat Civile." shprehet Basha në video

Në fakt e vërteta është që Xhandarmëria është propozuar nga Sali Berisha në 2001-shin, gati 23 vite të shkuara, më pas u propozua edhe në vitin 2005, por që mbeti e pa realizuar. Sa për kujtesë, z. Basha kjo është një ide e vjedhur e Sali Berishës.

Megjithëse qëndroi tetë vite si kryetar i opozitës dhe Partisë Demokratike, partisë së Sali Berishës, Luli tentoi t’ia vidhte dhe nuk ja mori dot, pasi e sakatoi, e shiti si plaçkë lufte tani idetë e vjetra të doktorit po i përdor si pacient duke na thënë se do bëje xhandarmëri dhe se do vijë në pushtet.

Ka vetëm një pyetje të thjeshtë: Cilën parti përfaqëson Lulzim Basha dhe kryetar i cilës parti është?

Sepse Luli nuk ka as parti, as struktura, nuk ka asnjë mbështetje politike, është thjesht një individ që më shumë e urrejnë, e braktisën servilët e tij si Alibeaj apo Roland Bejko dhe në fakt e vërteta është që më shumë vota mes demokratëve merr Ilir Vrenozi në Shqipëri sesa Lulzim Basha, te cilin nuk e voton më as pastruesja e zyrës së tij.

Luli nuk harron të premtojë reforma edhe në strukturat e Forcave të Armatosura.

“Ne do të mundësojmë përmes reformës në Forcat e Armatosura shërbimin aktiv të të paktën 5000 djemve dhe vajzave për një periudhë kohore prej jo më pak se 4 vitesh, gjatë së cilës ata do mund të marrin profesion, ose të studiojnë me shpenzimet e Forcave të Armatosura si dhe të vazhdojnë të shërbejnë si rezervistë në Forcat e Armatosura deri në moshën 45-vjeçare.”

Për të qenë të sinqertë, aktualisht çdo i ri që studion për t’u bërë pjesë e FA, shpenzimet u paguhen nga shteti.

Me sa duket në ëndrrat tij, Luli e sheh veten si një Ministër Mbrojtje, por që me sa duket do mbaj në sirtar./CNA