web counter
LEXO PA REKLAMA!

SHKARKO APP

App Store
Google Play

E fundit!

x

Rama pranon dështimin e reformave

26 Gusht 2024, 14:51, Politikë CNA
Rama pranon dështimin e reformave
Edi Rama

Sot kryeministri Edi Rama mori pjesë në Konferencën e Ambasadorëve “Tirana Diplo 2024”. Në fjalën e tij kryeministri u shpreh se në Shqipëri do të prezantohet një datë e re reformash në bashkëpunim me Kuvendin e Shqipërisë dhe Komisionin e Posaçëm për Sundimin e Ligjit dhe Antikorrupsionin. (lexo këtu)

Sot kryeministri pranoi se në 11 vite pushtet, reformat e tij kanë dështuar, pasi ai tha se do të ketë një datë të re reformash dhe këtë ia ka artribuuar Komisionit të Posaçëm Parlamentar të drejtuar nga Fatmir Xhafaj.

Ky komision është braktisur nga ndërkombëtarët e është refuzuar fort prej tyre dhe në mënyrë mjaft agresive. Sepse Komisioni Parlamentar i Fatmir Xhafajt për ndërkombëtarët nuk është një strukturë, e cila do të bëjë reformat, por është ngritur për të bërë antireforma, pra për të goditur sukseset e reformave aq sa janë bërë, qoftë në drejtësi apo në institucione të tjera. (lexo këtu)

Për më tepër ndërkombëtarët e shohin si një kapje të plotë edhe të insitucioneve të pavaruara. Gjithashtu opozita e ka braktisur. (lexo këtu)

Kryeministri ndoshta me dhimbje ka pranuar dështimin e reformave sepse gjuha shkon ku dhemb dhëmbi. Rama tha se do të ketë një datë të re reformash, pra reformat që janë bërë në këto 11 vite të tij në pushtet kanë dështuar.

Ndërkohë nga ana tjetër ai na thekson gjithmonë se ka pasur reforma të suksesshme në shumë struktura. Por, në fakt po çel një datë tjetër. Kur reformat janë të sakta, janë të rregullta, kur reformat janë të qarta dhe kanë dhënë efektin e tyre pse duhen reforma mbi reforma?

Aq më tepër duke përdorur enveristë në koncept si Fatmir Xhafaj për t'i udhëhequr ato. Pra mallkuar qoftë dita që Shqipëria do të byjë në Europë me reformat e Fatmir Xhafajt, me reformat e enveristëve dhe stanit të tyre.

Këtë kryeministri Rama e di shumë mirë. Megjithëse vetë mbahet si antienverist, në fakt me përdorimin e Xhafajve dhe këtyre stileve politike duke shpallur dhe duke reklamuar data të para, të dyta, të treta reformash, thjesht dhe vetëm tregon se është ende ose nën presionin e një klani të ashpër brenda PS-së, ose i kanë dështuar vërtet të gjitha dhe tani shpreson të qëndrojë në pushtet me dështimin e opozitës.

Gjithsesi kryeministri sot pranoi dështimin e reformave të tij. Kryeministri pranoi se reformat i kanë dështuar. Kryeministri pranoi se Shqipëria është vërtet ku thërret qameti me të në krye pas 11 vitesh, tani na dha një datë reformash ndërkohë që shqiptarëve u kishte premtuar, jo lugën e artë si shoku Enver, por përtej lugës së argjendtë./CNA 





Lajmet e fundit nga