E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Mbledhja e Këshillit Bashkiak, Teliti: Nuk u zhvillua për muajin gusht, po mohohet ndihma ekonomike për qindra familje

26 Gusht 2024, 19:19, Politikë CNA

Mbledhja e Këshillit Bashkiak, Teliti: Nuk u zhvillua për muajin

Dorian Teliti. PD

Në një reagim në rrjetin social Facebook, Koordinatori për Programin Ekonomik në Partinë Demokratike, Dorjan Teliti, është shprehur se Kryetari i Bashkisë së Tiranës, Erion Veliaj, nuk ka thirrur një mbledhje të Këshillit Bashkiak për miratimin e ndihmës ekonomike për muajin gusht.

Sipas tij mbledhja e Këshillit duhej të ishte njoftuar të paktën pesë ditë përpara, por deri tani nuk është bërë asnjë komunikim në këtë drejtim. Kjo është një tjetër skandal nga ana e Veliajt.

Teliti akuzon Veliajn dhe këshilltarët e tij për mohimin e ndihmës ekonomike për qindra familje të varfra në Tiranë, duke i lënë ato pa mbështetje.

Reagimi i plotë:

SKANDAL: VELIAJ NUK MBLEDH KËSHILLIN BASHKIAK PËR TË MIRATUAR NDIHMËN EKONOMIKE PËR GUSHTIN.

Nuk ka mbledhje të Këshillit Bashkiak për muajin gusht, pasi nëse do kishte do duhej lajmëruar të paktën 5 ditë përpara (afati i fundit i njoftimit ishte sot dhe asnjë njoftim nuk është bërë).

Kryebashkiaku i antiplumbit dhe këshilltarët karton ngritësa të emëruar prej tij, po i mohojnë kështu ndihmën ekonomike qindra e qindra familjeve të varfëra të Tiranës, që sytë i kanë vetëm te lëmosha bashkiake.

Kjo është bashkia e kryeqytetit, bashkia që bën shoë dhe propagandë me të varfërit, ndërkohë që i braktisin ata totalisht në mëshirë të fatit.

Veliaj dhe këshilltarët e tij ti lejnë pushimet e gjata që paskan marrë, të mbledhin Këshillin Bashkiak një orë e më parë dhe të miratojmë sa më shpejt pagesat e ndihmës ekonomike.

Nëse nuk ua ndjen për ndihmën ekonomike të nevojtarëve, të mbyllin sytë dhe të “imagjinojnë” sikur do miratojnë ndonjë vendim të porositur nga ndonjë mik oligark, të cilët kurrë nuk presin kaq gjatë sa të varfërit e kryeqytetit, përkundrazi./CNA