web counter
LEXO PA REKLAMA!

SHKARKO APP

App Store
Google Play

Berisha: Drejtuesit e vërtetë të policisë janë bandat e qeverisë

28 Gusht 2024, 13:50, Politikë CNA
Berisha: Drejtuesit e vërtetë të policisë janë bandat e
Sali Berisha

Në një postim në rrjetet sociale, ish-kryeministri Sali Berisha ka theksuar se dy ngjarjet e fundit nxorën në dritën e diellit bashkëpunimin e hapur të policisë me bandat.

Berisha thekson se Partia Demokratike dënon me forcën më të madhe bashkëpunumin e narko-policisë me krimin në të gjitha nivelet dhe garanton qytetarët se zero tolerancë ndaj krimit qeveritar dhe joqeveritar është dhe do të jetë qëndrimi ynë. 

Reagimi i plotë: 

Dy ngjarjet e fundit nxorën në dritën e diellit bashkëpunimin e hapur të policisë me bandat. Nga interceptimet telefonike ka dalë se shefat të policisë rëndom përgjojnë për llogari të rivaleve dhe nxjerrin në pritë te vrasësit e tyre të bandës që mbështesin. Por ky bashkëpunim i policisë me bandat e aferta me qeverinë u faktua haptas në dy ngjarjet e fundit në Bushat dhe në Palasë.

Kështu në Bushat u shkrepën breshëri të shumta mbi tri makina të blinduara të bandës së Bajrove midis të cilëve gjendej edhe Safet Bajri. Policia e Shkodrës ndonëse kishte të gjitha pamjet në dy komunikata, fshehu faktin se përleshja ishte me bandën e qeverisë të Bajrove duke fshehur publikut të vërtetën dhe dëshmuar se drejtori i kësaj policie ishte një anëtar me uniformë i bandës së Bajrove.

E njëjta gjë u përsërit në përleshjen në Palasë, e cila mori vëmendjen e merituar në media. Edhe në këtë rast policia informoi për anëtarët e njërës palë në përleshje madje edhe për fishën e tyre kurse fshehu emrat e palës tjetër konkretisht atë të Fatmir Beja duke dëshmuar se ishin nën komandën e tij në mos e kishin organizuar vetë përleshjen.

Partia Demokratike dënon me forcën më të madhe bashkëpunumin e narko-policisë me krimin në të gjitha nivelet dhe garanton qytetarët se zero tolerancë ndaj krimit qeveritar dhe joqeveritar është dhe do jetë qëndrimi ynë./CNA 





Lajmet e fundit nga