web counter
LEXO PA REKLAMA!

SHKARKO APP

App Store
Google Play

Tenderi i KQZ-së/ Kulluri shënjestron Lulin: Mos janë euroatlantikët të përzier me kompaninë që po hetohet në SHBA?

27 Gusht 2024, 12:34, Politikë CNA
Tenderi i KQZ-së/ Kulluri shënjestron Lulin: Mos janë
Edvin Kulluri

Në një postim në rrjetet sociale, Edvin Kulluri, një nga "ushtarët" e Lul Bashës, që ia drodhi sërish këtij të fundit, na është shqetësuar për tenderin e KQZ-së në 2020 për numërimin e elektronik. 

Kulluri ngre pyetjen: "Mos janë gjë Revolucionarët e Foltores dhe Euro-Atlantikët të përzier me kompaninë që po hetohet në SHBA për korrupsion dhe nga SPAK?". 

"Për të kuptuar më mirë se çfarë ka ndodhur me tenderin e KQZ-së në 2020 që po hetohet nga SPAK për pajisjet e Numërimit Elektronik, duhet zbardhur kush drejtonte Komisionin e Tenderit dhe kush u pagua per konsulencë me 1.4 milionë dollarë. Mos janë gjë Revolucionarët e Foltores dhe Euro-Atlantikët të përzier me kompaninë që po hetohet në SHBA për korrupsion dhe nga SPAK?", shprehet ai në një postim në "Facebook". 

Pra Kulluri, që hyri në “shtratin” e Lulit, pas një periudhe të gjatë kritikash, ka sulmuar sërish drejtuesin e demokratëve euroatlantikë. 

Ai është shprehur se ai mund të jetë përzier me kompaninë që po hetohet në SHBA, për korrupsion dhe nga SPAK-u. 

Së fundmi ai ka deklaruar se që të mos cilësohej si mbështetës i Bashës. Duke dalë kështu hapur kundër tij. 

Madje, ai propozoi që grupimi i Bashës të krijonte një parti të re, ku të mos ishte kryetar Luli. Sipas tij Basha po e humb gjithmonë e më shumë terrenin tek e djathta, ndaj drejtimi i partisë së re duhet të jetë kolegjial.

Nuk dihet nëse në ndonjë të ardhme Kullurin do ta shohim prapë në krah të Lulit, pasi herë e sulmon dhe herë shfaqet pranë tij. /CNA 





Lajmet e fundit nga