web counter
LEXO PA REKLAMA!

SHKARKO APP

App Store
Google Play

E fundit!

x

Hasani këshillon Kosovën: Diskutojini vendimet me ata që iu dhanë lirinë

29 Gusht 2024, 12:55, Politikë CNA
Hasani këshillon Kosovën: Diskutojini vendimet me ata që iu
Igli Hasani

Ministri i Jashtëm i Shqipërisë, Igli Hasani, në një bashkëbisedim me gazetarët këtë të hënë, i ka kujtuar Kosovës rëndësinë e konsultimit me partnerët, e veçanërisht me Shqipërinë, lidhur me urën e Ibrit.

"Ne kemi qenë të qartë, gjithmonë konsekuentë me atë që kemi thënë. Për ne prioriteti i politikës së jashtme është Kosova, ndaj gjithmonë i kemi thënë motrave dhe vëllezërve tanë në Prishtinë që gjithë hapat që do të ndërmarrin duhet ti diskutojnë së pari me ata që i duan shumë. T’i diskutojnë, debatojnë dhe negociojnë me vendet dhe organizata që e kanë bërë Kosovën të lirë dhe të pavarur siç është sot, dhe këtu hyn dhe Shqipëria. Çdo punë e mirë bëhet duke u rakorduar me ata që e duan shumë Kosovën”, u përgjigj Hasani.

Ndërkaq, ministri foli edhe për ndryshimet që do të bëhen, duke paralajmëruar se me ligjin e ri të shërbimit diplomatik do të përjashtohen ish-sigurimsat.

"Do të përjashtohen ish-bashkëpunëtorët dhe ish-punonjësit e Sigurimit të Shtetit", u shpreh ai.

Ndër të tjera, përveç samitit të NATO-s që pritet të mbahet në Tiranë në 2027 dhe Samitit të Komunitetit Politik Evropian vitin e ardhshëm, në vjeshtë pritet të mbahet edhe konferenca e dytë ndërqeveritare me BE./CNA 





Lajmet e fundit nga