web counter
LEXO PA REKLAMA!

SHKARKO APP

App Store
Google Play

E fundit!

x

Berisha nxjerr emrat: Balla telefonoi anëtarin e KLP-së për të liruar kriminelin që vuri eksploziv në Shkodër

30 Gusht 2024, 14:49, Politikë CNA

Berisha nxjerr emrat: Balla telefonoi anëtarin e KLP-së për

Në një deklaratë për mediat, kreu i PD-së, Sali Berisha, denoncoi se ministri Taulant Balla ka marrë në telefon anëtarin e KLP-së për të liruar kriminelin që vuri eksploziv në Shkodër, Lulzim Kullës.

Sipas Berishës, Vatë Staka ka zbatuar urdhrin dhe kriminelët janë lënë të lirë.

Ai shtoi më tej se paratë e klanit të rrezikshëm "Toyota Yaris" kanë pasur si destinacion edhe pronarin e kullës pas sahatit me mbiemër Abdia.

Deklarata e plotë:

Taulant Balla është i regjistruar në komunikime të shpeshta instensive me bos kryesor të organizatave kriminale në Shqipëri dhe jashtë vendit. Një rast tjetër që e implikon atë direkt është ndërhyrja e tij direkte për lirimin e personave që i vunë eksplozivin Lul Kullës.

Taulant Balla ka marrë në telefon anëtarin e KLP-së, Vatë Staka, dhe i ka kërkuar të ndërhyjë në Shkodër për lirimin e kriminelëve që i vunë eksplozivin Lulzim Kullës. Dhe Vatë Staka ka zbatuar urdhrin, dhe kriminelët janë lënë të lirë.

Paratë e klanit të rrezikshëm "Toyota Yaris" kanë pasur si destinacion edhe pronarin e kullës pas sahatit me mbiemër Abdia.

Ky ndërtues i lidhur si mishi me thoin me Erion Veliajn është një nga pritësit e klanit të narko-eurove, sipas regjistrimeve të klanit "Toyota Yaris", të cilat janë fshehur nga Prokuroria e krimit dhe gjykatësja kriminale.

Shtoj këtu, se njëri nga këta Abditë është i çmendur pas lojërave të fatit, dhe rëndom thonë se ai ka ortakëri me Olsi Çelën./CNA 

 





Lajmet e fundit nga