web counter
LEXO PA REKLAMA!

SHKARKO APP

App Store
Google Play

E fundit!

x

Murrizi shuplakë opozitës: Bashkëshorti i Bushkës ka përfituar para publike, kërkoni t’i hiqet mandati

30 Gusht 2024, 16:47, Politikë CNA
Murrizi shuplakë opozitës: Bashkëshorti i Bushkës ka
Ish-deputeti Myslim Murrizi

Ish-deputeti Myslim Murrizi ka kërkuar si njësoj si për Olta Xhaçkën dhe deputetin Vullnet Sinaj, të kërkohet heqja e mandatit të deputetes edhe për Klotilda Bushkën.

Murrizi thotë se bashkëshorti i Bushkës ka përfituar miliona nga paratë publike.

Ish-deputeti nënvizon se në vitin 2018 bashkëshorti i Klotilda Bushkës, nëpërmjet kompanisë me ortak z.Gent Sula bashkëshortin e znj.Genta Sula të dosjeve të spiunave kanë përfituar mbi 100 milionë euro para publike në kundërshtim të hapur me Kushtetutën.

Ish-deputeti thekson se nëse opozita nuk vepron në të njëjtën mënyrë dhe me Bushkën atëherë kuptohet se ka pazare të nëndheshme me PS.

Reagimi i Myslim Murrizi

Të nderuar deputet të PD

NË POLITIKË LUHET ME LETRA TË HAPURA QË TË JESH I BESUESHËM PËR QYTETARËT EDHE PSE MUND TË MËRZITEN KRYETARËT APO “ AGALLARËT” QË KANË NË DORË LISTAT E LESHIT PËR DEPUTET VEMJE.

Nga ndryshon rasti i Zj Olta Xhaçkës dhe i Z.Vullnet Sina që keni kërkuar me të drejtë heqjen e mandatit të deputetit sepse kanë përfituar para publike apo prona publike në kundërshtim me Kushtetutën nga rasti i Znj. KLOTILDA FERHATI (BUSHKA)

Apo ngaqë Olta dhe Vullneti kanë vetëm nga një mbiemër ndërsa Klotilda ka dy mbiemra???

Apo ngaqë Olta me Vullnetin e kanë nisur karrierën politike tek Mjafti dhe PS ndërsa Klotilda tek Forumi Rinor i PD???

Se për shkelje të Kushtetutës janë në të njëjtin STATUS, bile z.Vullnet Sina që ka ardhur në politikë nga biznesi dhe si biznesmen me “përfitimet” 36 mijë euro nga një tender leshi është për “mëshirë” para dhjetëra miliona eurove që ka fituar prej vitesh z.Altin Bushka bashkëshorti i znj. Klotilda Bushka.

Po të shikosh dokumentat e biznesmenit Altin Bushka se sa miliona euro ka fituar nga paratë publike pra nga taksat e shqiptarëve me tendera të ndryshëm prej vitesh do të duhej që jo vetëm të kërkohej heqja e mandatit të deputetes së znj.Klotilda Bushka por duhet t’i mbahet edhe paga e deputetes së viteve 2017-2021 sepse qysh në vitin 2018 nëpërmjet kompanisë së bashkëshortit të saj Altinit si edhe si ortak me z.Gent Sula bashkëshortin e znj.Genta Sula të dosjeve të spiunave kanë përfituar mbi 100 milionë euro para publike në kundërshtim të hapur me Kushtetutën.

Atëherë pse nuk kërkoni që në seancën e datës 12 shtator të futet në rend të ditës edhe heqja e mandatit të znj.Klotilda Ferhati Bushka që si kryetare e komisionit të ligjeve dhe nën “ kujdesin” e ish-kryetares së Kuvendit znj.Lindita Nikolla që “ dyshoj” se e ka patur një “ hall” të vogël me Gentën e spiunave, zvarriten në mënyrë të kundraligjshme heqjen e mandatit të znj.Xhaçka.

E kam thënë edhe herë të tjera që është më mirë NJË OPOZITË E DOBËT SE SA NJË OPOZITË SELEKTIVE që për të njëtat fenomene mban qëndrime të ndryshme.

Opozita e dobët nga pamundësia ose mungesa e kurajos apo e informacionit ndihmohet nga çdo OPOZITAR.

Opozita selektive ku për të njëjtat raste abuzive korruptive apo për të njëjtën shkelje Kushtetuese mbahen qëndrime të ndryshme selektive jo vetëm që nuk ndihmohet por urrehet dhe bëhet bastarde dhe e pa besueshme nga QYTETARËT.

Kur kujtoj rastin e heqies së mandatit të ish-deputetit Koço Kokëdhima për 104 dollarë si pasojë e luftës së brendshme në PS që Koçua të mos forcohej shumë e mos t’i zinte vendin atyre që mendonin se miqësia e Koços me Ramën i rrezikonte, më vjen habi që deputetët e PD nuk janë marrë fare apo heshtin për kërkesën që t’i hiqet mandati znj.Klotilda me dy mbiemra.

Ju ftoj publikisht ta hartoni dhe ta firmosni sa më shpejt kërkesën për mandatin e znj.Klotilda per të mos bërë akoma më shumë pis veten në pazaret e nëndheshme me PS.

Kam shumë besim që Kryetarja e Kuvendit znj.Spiropali do të veprojë pa hezitim me të njëjtin standart dhe koherencë që veproi për rastet Xhaçka dhe Sina sepse fale moshës nuk ka asnjë “ hall” me ENERGJIKEN e dosjeve të sigurimit Zj Genta Sula që të frenohet për bashkëshorten e z.Altin si ortak kryesor në shumë biznese me bashkëshortin e saj z.Gent.

Po ju drejtohem publikisht të nderuar deputetë të PD-së në grupin e ËhatsApp të Këshillit Kombëtar të PD ku edhe unë jam pjesë ,na është bllokuar e drejta për të shkruar apo shprehur mendimet tona ku edhe ju të nderuar deputetë jeni rikthyer si anëtarë dhe “ udhëheqësa” por kemi vetëm mundësi të “duartrokasim” me like mendimet,propozimet, sygjerimet, lajmërimet, urdhërat, udhëzimet dhe vendimet që merr “udhëheqja”

Nëse nuk bëni kërkesë edhe për mandatin e znj.Klotilda dhe të kujtdo deputeti që përfiton para apo prona publike me tendera në kundërshtim me KUSHTETUTËN jeni njëlloj të pistë dhe pazarlinj selektiv të pabesueshëm.

E di që disa prej jush mund të kenë “frikë” ENERGJIKEN që ka dosjet e spiunëve por nuk besoj që ka nevojë që të firmosni të gjithë si grup për të kërkuar heqjen e mandatit të Klotildës.

Mjaftojnë boll firmat e atyre deputetëve që nuk kanë FRIKË nga dosjet e SPIUNËVE që mban e kontrollon energjikja Genta Sula bashkëshorte e ortakut të bashkëshortit të Klotildës Ferhati (BUSHKA)./ CNA





Lajmet e fundit nga