Degjenerohet "Spiderman"-i i bashkisë

1 Shtator 2024, 12:03, Politikë CNA

Erion Veliaj, kryebashkiaku i Tiranës, shkëputur nga video në rrjetet sociale

Ndërkohë që Tirana është pushtuar nga plehrat dhe bashkia nga korrupsioni, kryebashkiaku Erion Veliaj deliron dhe shfrenon imagjinatën e tij duke e kthyer veten në një "Spiderman", për të reklamuar propagandën e tij me shtëpi të reja te "5 Maji", ndërsa në atë zonë ka shembur shtëpi duke lënë në rrugë banorët.

Kryebashkiaku i drejtorëve hajdutë të Bashkisë Tiranë, Erion Veliaj, teksa Tirana kundërmon nga era e keqe e plehrave dhe ndotja e mjedisit ka tejkaluar limitet, zgjedh të propagandojë dhe jo të pastrojë plehrat, të cilat janë denoncuar disa herë nga CNA apo opozita.

Pamja e vërtetë e zdromsit të Tiranës
28 Gusht, 19:39

Por, siç duket vijon të bëjë rolin e atij që s’di asgjë dhe nuk sheh asgjë, por bëmat e tij nuk i shpëtojnë syrit të qytetarëve që nuk e kanë kursyer aspak “Spiderman"-in e bashkisë me komentet e tyre.

Në komente e quajnë hajdut, i kujtojnë se Tirana është mbuluar nga plehrat, por nuk mungojnë as ata që e tallin apo që i kujtojnë se po bën stërvitje se do të shkojë te kolegët, të cilët po e hetojnë për dosjet e nxehta në të cilat emri i tij është i përfshirë.

“Erdhën zgjedhjet pse nuk i dhatë më përpara o mashtrusa, ju mbulojnë m--in me shurrë do marrin noc rrokun të marrish ti një here ato që ke vjedh pastaj të shofim do marrin apo jo”.

“Taman si spajdermeni po kokërr mashtruesi ky hajduti i Bagdadit”.

“Bravo,plehrat vetëm qelbin ambientin,ke ditur t’u tregosh vendin.Përpara gjithmonë”.

Të tjerë komentues ankohen për faktin se e ka kthyer Tiranën në pronë private dhe shprehen të shqetësuar për mënyrën se si parkohen sot makinat në rrugët e kryeqytetit.